سلطان آلپ آرسلان ینگ سکه‌سی سِرگیله‌ندی

آنتالیادان بیری تاراپیندان بیتلیس ینگ آحلات موزه سینه باغیلانان سلطان آلپ آرسلان ینگ مۆنگ ییل اوُزال یاسالان آلتین سکه‌سی سرگیله‌نمأگه باشلاندی.

قیزیل سکه نینگ اۆستۆنده آلپ آرسلان ینگ آدی یازیلیار.

بو سکه نینگ اؤنگ تاراپیندا "الله دان باشغا اله یوُقدیر. گچمیش و گلجک الله ینگ دیر" و آرقاسیندا "محمد الله ینگ رسولی‌دیر. شاهلارینگ شاهی اسلام ملکی معظم سلطان آلپ آرسلان. اوُ، الله اؤزۆنه اوُرتاق قوُشانلاری قوُوی گؤرمه‌سه ده دینینی بۆتین دینلره اۆستۆن قئلماق اۆچین هدایت و حاق دینی بیلن ایبرندیر" دییپ عاراپ دیلینده یازیلیار.

اولی سلچوقلی دؤولتی نینگ اینگ گۆیچلی یوُلباشچیلاریندان بوُلان تۆرکمن سلطان آلپ آرسلان، ملازگرد ساواشیندا آناتولی نینگ قاپیلارینی و توُپراغینی تۆرکمن- تۆرکلر اۆچین همیشه‌لیک یورت حؤکمۆنده آچان اولی باش‌توتان‌دیر.