اؤزبگیستان دا تۆرکمن مایاقوُیوملاری بیلن 174 کأرحانا دؤره‌دیلدی

اؤزبگیستان ینگ جمهورباشلیغی شوکت میرضیایف قوُنگشی یورتلار بیلن حیذماتداشلیغی اؤسدۆرمه‌ک بیلن باغلی بیانات بردی.

میرضیایف اؤزبگیستان ینگ قوُنگشی اۆلکه‌لری بیلن حیذماتداشلیغی نینگ سوُنگقی ییللاردا ایشجنگ یاغدایا اؤورۆله‌ندیگینی نیغتادی.

اؤزبک یوُلباشچی، یوردونینگ سوُنگقی 5 ییلدا قوُنگشی یورتلار بیلن سؤودا دوُلانشیغی نینگ 2.5 اِسسه یوُقارلاندیغینی و 6 میلیارد دلاردان گچندیگینی بِلله‌دی.

اؤزبگیستان ینگ ایقدیصادی بارلاغلار و رفرملار مرکزی ده تۆرکمنیستان بیلن اؤزبگیستان ینگ ایقدیصادی قاتناشیقلاری نینگ 2021-نجی ییلدا 902 میلیون دلارا یتندیگینی بیلدیردی.

2022-نجی ییلینگ یانوار- مای آرالیغیندا دا ایکی یوردونگ سؤوداسی نینگ پول مؤچبری 322.6 میلیون دلار بوُلدی.

اؤزبگیستان تۆرکمنیستانا اینگ کؤپ اؤنۆم ساتیان 10-نجی یورت.

2022-نجی ییلینگ مای آیینا چنلی اؤزبگیستان ینگ تۆرکمنیستانا ساتان اؤنۆملری 16.6 گؤتریم یوُقارلادی و 62.9 میلیون دلارا یتدی.

اؤزبگیستان ینگ تۆرکمنیستان دان ساتین آلان اؤنۆملری ده 1.9 گؤتریم آزالدی و 259.6 میلیون دلارا یتدی.

تۆرکمنیستان اؤزبگیستان دا مایا قوُیماغا دوُوام ادیأر.

تۆرکمنیستان ینگ سرمایاسی بیلن اؤزبگیستان دا 174 کأرحانا دؤره‌دیلدی.

شو ییلینگ باشیندان بأری تۆرکمن سرمایاسی بیلن اؤزبگیستان دا 16 کأرحانا آچیلدی.