تۆرکمنیستان ینگ جمهورباشلیغی رسمی ساپار بیلن تهران دا بوُلدی
تۆرکمنیستان بیلن ایران ینگ آراسیندا کؤپ سانلی رسمیناما قوُل چکیشیلدی
تۆرکمنیستان ینگ یوُلباشچیسی سردار بردی محمدوف ایران اسلام جمهوریتی نینگ جمهورباشلیغی سید ابراهیم رئیسی تاراپیندان رسمی دابارا بیلن قارشیلاندی.
دۆین ایرانا ساپار قوران بردی محمدوف شو گۆن سعدآباد کؤشگۆنده ایرانلی ایشدشی تاراپیندان قارشیلاندی.
دابارادا ایکی یوردونگ دؤولت موقاملاری یانگلاندی.
سوُنگرا بوُلسا تۆرکمنیستان بیلن ایران ینگ جمهورباشلیقلاری ایکی یوردونگ رسمی وکیللری بیلن تانیشدی.
بردی محمدوف بیلن رئیسی اؤزآرا دوشوشیقدان سوُنگ توُپارآرا دوشوشیغا یوُلباشچیلیق اتدی.
توُپارآرا دوشوشیقدان سوُنگرا تۆرکمنیستان بیلن ایران ینگ آراسیندا 9 رسمیناما قوُل چکیشیلدی.
رسمینامالارینگ آراسیندا گۆلیستان ولایاتی بیلن بالقان ولایاتی، دمیرقازیق حوراسان ولایاتی بیلن آحال ولایاتی، رضوی حوُراسان ولایاتی بیلن ماری ولایاتی آراسیندا سؤودا- ایقدیصادی، عیلمی- تکنیک و مدنی حیذماتداشلیق؛ ایکی یوردونگ رادیو و تلویزیون قورامالاری نینگ آراسینداقی حیذماتداشلیق، ایکی حؤکۆمتینگ آراسینداقی عیلمی، مدنی، چپر و بیلیم آلیش چالیش ایلالاشیغی و مایاقوُیوم ایش توُپارینی دؤرهتمهک یالی ایلالاشیق شرطنامالاری بار.
ایکی یوردونگ یوُلباشچیلاری ایران بیلن تۆرکمنیستان ینگ آراسینداقی دوُست- دوُغانلیق، قوُنگشوچیلیق و یاغشی نیتلی حیذماتداشلیغا اۆنس چکدیلر.