تۆرکیه بیلن تۆرکمنیستان ینگ دیپلماتیک قاتناشیقلاری نینگ اوُتوزینجی ییلی
تۆرک داشاری ایشلر وزیرلیگی نینگ بیاناتیندا تۆرکمنیستان ینگ تۆرکیه اۆچین آتاواطان بوُلاندیغینا اۆنس چکیلدی
تۆرکیه تۆرکمنیستان بیلن گۆیچلی دوُغانلیق قاتناشیقلاری و حیذماتداشلیغینی هر پوداقدا اؤسدۆرمهک باراسیندا توتان یرلی.
تۆرکیأنینگ داشاری ایشلر وزیرلیگی، تۆرکمنیستان بیلن تۆرکیأنینگ دیپلماتیک قاتناشیقلاری نینگ 30-نجی ییلی بیلن باغلاشیقلی بیانات چاپ اتدی.
بیاناتدا تۆرکیأنینگ تۆرکمنیستان ینگ قاراشسیزلیغینی تانایان و یورتدا ایلچیحانا آچان بیرینجی یورت بوُلاندیغینا اۆنس چکیلدی.
ایکی یوردونگ آراسینداقی مدنی و تاریحی باغلارا اۆنس چکیلن بیاناتدا،
"اؤزآرا قاتناشیغیمیز و حیذماتداشلیغیمیز آرادان گچن 30 ییلدا حالقلاریمیزینگ آراسینداقی دۆیپلی تاریحی و مدنی باغلاردان گۆیچ آلان دوُغانلیغیمیزینگ اساسیندا، ایکی تاراپلایین حوُرمات و اوُرتاق بأحبیتلر دوُغروسیندا هر پوداقدا اؤسۆپ گۆیچلهنیأر. اوُرتاق دیلیمیز، مدنیتیمیز، اینانجیمیز و کؤکلریمیز، بیزی بیری بیریمیزه اوُرتاق بأحبیتلردن کؤپ کؤنگۆل باغی بیلن باغلایار" دییلدی.
سوُنگقی دؤوۆرده هر پوداقدا اؤسِن اؤزآرا قاتناشیقلارینگ تۆرکمنیستان ینگ تۆرک دؤولتلر قوراماسینا سینچی آغضا بوُلماغی و ایکی یوردونگ یوُلباشچیلاری نینگ دوشوشیقلاری بیلن یوُقارلاندیغی بیلدیریلن بیانات دا،
"اؤنگۆمیزدأکی دؤوۆرده سؤودا، مایاقوُیوم، انرژی، قاناو، مدنیت و تعلیم تربیه و بیله کی کؤپ اوغوردا أدیلجک ایکی تاراپلی أدیملر، اؤزآرا حیذماتداشلیغیمیزی موندان دا اؤسدۆرجک و چونگلاشدیرجاقدیر" دییلدی.
بیاناتا شیله دوُوام ادیلدی:
"آرادان گچن 30 ییلدا تۆرکمنیستان یوردومیز بیلن بوُلشی یالی حالقارا جمغیتچیلیگینگ ده قوُلداوینا سبأپ بوُلان "باقی بیتاراپلیق" سیاساتی بیلن بؤلگه ده دورنوقلیلیق و اؤسۆشینگ دۆیبۆنینگ توتولماغینا قوُشانت قوُشیار. تۆرکیه گچمیشده بوُلشی یالی، اولی بیر اؤزگِردیلیش و اؤسۆشینگ بوُساغاسینداقی تۆرکمنیستان ینگ گلجکده ده یانیندا بوُلماغا دوُوام ادر"
بیاناتدا تۆرکمنیستان ینگ تۆرکیه اۆچین آتاواطان بوُلاندیغینا اۆنس چکیلدی.