أردوُغان: تۆرک دیلینی قوُراماق میللی گؤره‌شیمیزدیر

تۆرکیأنینگ جمهورباشلیغی رجب طیب أردوُغان یونس امره ییلی میناسیبتلی گچیریلن مدیادا دوُغری تۆرکچه اولانیلشی چأره سی نینگ بایراق قوُوشوریلیش داباراسینا قاتناشدی.

أردوُغان دابارادا "تۆرکچأمیزی یاشاتمانی میللتیمیزینگ گلجگینه اینام بیلن قاراپ بیلمه‌ریس. مدیا، بیله کی کؤپ سانلی مسئله ده بوُلشی یالی، دیلیمیزینگ قوُرالماغی و دوُغری گؤرنۆشده تأزه نسله آمانات ادیلمه گی اۆچین اساس یوُلدیر" دیدی.

أردوُغان تۆرک دیلی اۆچین تاغاللا ادیأن رادیو تلویزیون یوُقاری قوراماسی، تۆرک دیلی قوراماسی و یونس امره انستیتوسینا مینتدارلیق بیلدیردی.

تۆرکیأنینگ یوُلباشچیسی نجیپ فاضیل قیساکۆرک-ینگ "بیر میللتینگ ادبیاتی بوُلماسا اوُل میللت ده یوُقدیر" دییپ آیدان سؤزۆنی یاتلادیپ "دیلینی ساقلاپ بیلمه‌یأن بیر میللتینگ آخیریندا اینانجی باشدا بوُلماق بیلن اؤزۆنی یارادان دگأرلری بیر بیر ییتیریپ یوُق بوُلماغی حؤکمأنیدیر" دیدی.

أردوُغان "شو گۆنکی گۆنده آدریاتیک دان حیتای دیوارینا چنلی اولی بیر جغرافیادا اینگ کؤپ اولانیلیان دیل تۆرکچه‌دیر" دیدی.

دابارادا تۆرک دیلینه حیذمات ادن و حابارچیلیق پوداغیندا ایشله یأن کؤپ سانلی عالیما بایراق قوُشوریلدی.