رئیسی تۆرکمنیستان ینگ دؤولت توُپارینی قابول اتدی

ایران ینگ جمهورباشلیغی سید ابراهیم رئیسی تۆرکمنیستان ینگ دؤولت توُپارینی تهران دا قابول اتدی.

قابول ادیلشیگه تۆرکمنیستان ینگ یؤریته وکیلی سردار بردی محمدوف بیلن تۆرکمنیستان ینگ داشاری ایشلر وزیری رشید مردوف قاتناشدی.

رئیسی بو دوشوشیقدا سیاسی، ایقدیصادی، مدنی و سوسیال قاتناشیقلاری ایکی یوردونگ میللتلری نینگ بأحبیدینه بوُلجاق یاغدایدا اؤسدۆرمه‌ک اۆچین توتان یرلی بوُلاندیقلارینی آیتدی.

ایران ینگ جمهورباشلیغی تهران ینگ تۆرکمنیستان ینگ ایلایتا دا انرژی، سؤودا و تیجارت پوداقلاریندا قاتناشیقلاری اؤسدۆرمه‌ک باراسینداقی ایسله‌گه حوُشاللیق بیلدیردی و بو پوداقلاردا قاتناشیقلارینگ چأکسیز اؤسدۆریلیپ بیلینجکدیگینی نیغتادی.

رئیسی ایران بیلن تۆرکمنیستان ینگ دینگه قوُنگشی ایکی اۆلکه بوُلماندیغینی آیتدی و ایکی یوردونگ قارینداش بوُلاندیغینی و ایکی میللتینگ دۆیپلی و چونگ مدنی و تاریحی قاتناشیقلارینا ایه‌دیگینی بیلدیردی.

دوشوشیقدا سردار بردی محمدوف تۆرکمنیستان ینگ جمهورباشلیغی نینگ یازماچا حاطینی ایران ینگ جمهورباشلیغینا قوُوشوردی و ایران دؤولتی نینگ تۆرکمنیستان بیلن قاتناشیقلارینی اؤسدۆرمه‌ک اۆچین آلیپ باران ایشلرینه بگنچ بیلدیردی.