حسنوف: تۆرکیأنینگ قشونی دۆنیأنینگ اینگ گۆیچلی قشونلاریندان بیری
آذربایجان ینگ قوُرانماق وزیری قاراباغ ساواشیندا تۆرکیأنینگ أهمیتینه اۆنس چکدی
آذربایجان ینگ قوُرانماق وزیری ذاکر حسنوف آذربایجان ینگ قشونی نینگ کؤپ سانلی عسگری نینگ تۆرکیه ده ساپاق آلیاندیغینا اۆنس چکیپ، تۆرکیأنینگ یاراغلی گۆیچلری نینگ دۆنیأنینگ اینگ گۆیچلی قشونلاریندان بیری بوُلاندیغینی نیغتادی.
حسنوف، ینگیش گۆنی سبأپلی آذربایجان دا بوُلان تۆرکیأنینگ میللی قوُرانماق وزیری خلوصی آقار بیلن مطبوغات گنگه شینی گچیردی.
حسنوف آذربایجان قشونی نینگ بیر ییل اوُزال باش توتان الهام علی یووینگ یوُلباشچیلیغیندا قاراباغ ساواشیندا 44 گۆنۆنگ ایچرسینده ارمنیستان ینگ قشونینی تالاندیغینی و اؤز توُپراق بیتولیگینی دیکِه‌دِندیگینی بیلدیردی و شیله دوُوام اتدی:
"آذربایجان قشونیندان کؤپ سانلی عسگر تۆرکیه ده ساپاق آلدی. تۆرکیأنینگ یاراغلی گۆیچلری دۆنیأنینگ اینگ گۆیچلی قشونلاریندان بیریدیر. دینیمیز، دیلیمیز و مدنیتیمیز بیردیر. بیز ده بو شانسدان پیدالانیپ تۆرک فشونی نینگ تجریبه لریندن اۆستۆنلیک بیلن پیدالاندیق و پیدالانماغا دوُوام ادیأریس"
"آذربایجان ینگ جمهورباشلیغی الهام علی یووینگ گؤرکِزمه لری بیلن ساواشینگ نتیجه سینی آنالیز اتدیک و قشونی تۆرک قشونینا گؤرأ یانگاداندان اساسلاندیردیق" دیه ن حسنوف،
"آذربایجان ینگ قشونی ساواشدا تۆرک اؤنۆملی مدرن یاراغ، مهمات و مرمیلری اولاندی. بو دا أهمیتلی بیر مسئله دیر. تۆرکیأنینگ قوُرانماق صناغاتی اؤرأن اؤسدی. دینگه یاراغلی اوچارمانسیز اوچارلاری دأل، تۆرک اؤنۆمی بوُلان توُپ، راکت و مرمیلرینی ده اوچارمانسیز اوچارلارا قارشی اولاندیق. بایراقدار-ی دا اولاندیق" دیدی.
ذاکر حسنوف آذربایجان ینگ جمهورباشلیغی الهام علی یووینگ "بو ینگیش بیزینگ بیرلیگیمیزینگ ینگیشیدیر" دیه ن سؤزۆنی یاتلاتدی و "بو بۆتین تۆرک دۆنیأسی نینگ ینگیشیدیر" دیدی.
