أردوُغان آذربایجان‌دا

تۆرکیأنینگ جمهورباشلیغی رجب طیب أردوُغان گۆنۆبیرلیک ایش ساپاری بیلن آذربایجان دا.

أردوُغان ینگ اوچاری آذربایجان دا اشغالدان آزات ادیلن فضولی نینگ تأزه قورالان حالقارا قوُنالغاسیندا قوُندی.

آذربایجان ینگ جمهورباشلیغی الهام علی یف تاراپیندان قارشیلانان أردوُغان، فضولی داقی حالقارا قوُنالغا گلن ایلکینجی یوُلباشچی بوُلدی.

أردوُغان بیلن علی یف تأزه قوُنالغانی آچدی.

ایکی باش‌توتان سوُنگ بوُلسا قوُنالغادا آیلاندی و ماغلومات آلدی.

تۆرکیأنینگ جمهورباشلیغی، آذربایجانلی ایشدشی علی یف بیلن بیله لیکده احمدبی‌لی- فضولی- شوشا- احمدبی لی، هوُرادیز- مینجیوان- آغابند یوُلونینگ قورلوشیغینا دا بادالغا بردی.

ایکی یوُلباشچی زنگیلان دا تۆرکیأنینگ قوُلداوی بیلن قورالیان عاقیللی اکرانچیلیق مرکزینه ده بادالغا بردی.

أردوُغان ینگ بو ساپاریندا تۆرکیه- آذربایجان آراقاتناشیغی دوُلولیغینا گۆررۆنگ ادیلر و ایکی یوردونگ حیذماتداشلیغی نینگ موندان دا یوُقارلادیلماغی باراسیندا گنگه شیلر.

أردوُغان بیلن علی یف اؤزآرا قاتناشیقلار بیلن بیله لیکده بؤلگه آرا و حالقارا مسئله لر حاقیندا دا گِنگه‌شِر.