قازاغیستان ینگ جمهورباشلیغی تۆرکمنیستان‌دا ساپاردا بوُلدی

قازاغیستان ینگ جمهورباشلیغی قاسیم جومارت توُقایف ایکی گۆنلۆک ساپار بیلن تۆرکمنیستان دا بوُلدی

1724796
قازاغیستان ینگ جمهورباشلیغی تۆرکمنیستان‌دا ساپاردا بوُلدی
Kazakistan Türkmenistan Berdimuhamedov Kasım Cömert Tokayev1.jpg
Kazakistan Türkmenistan Berdimuhamedov Kasım Cömert Tokayev2.jpg
Kazakistan Türkmenistan Berdimuhamedov Kasım Cömert Tokayev3.jpg
Kazakistan Türkmenistan Berdimuhamedov Kasım Cömert Tokayev4.jpg
Kazakistan Türkmenistan Berdimuhamedov Kasım Cömert Tokayev5.jpg
Kazakistan Türkmenistan At üstünde Bayrak gösterisi.jpg

 

قازاغیستان ینگ جمهورباشلیغی قاسیم جومارت توُقایف ایکی گۆنلۆک ساپار بیلن تۆرکمنیستان دا بوُلدی.

قازاق یوُلباشچی تۆرکمنیستان ینگ جمهورباشلیغی قوربان قولی بردی محمدوف تاراپیندان آشغابات دا رسمی دابارا بیلن قارشیلاندی.

قارشیلاما داباراسیندان سوُنگ قازاغیستان ینگ باش‌توتانی نینگ تۆرکمنیستان ساپاری نینگ حوُرماتینا دۆرلی چأره لر گچیریلدی.

قازاق و تۆرکمن یوُلباشچی اؤزآرا دوشوشیق دا گچیردی.

ایکی یوُلباشچی نینگ دوشوشیغیندا قازاغیستان- تۆرکمنیستان آراسینداقی استراتژیک حیذماتداشلیغینگ کؤپ سانلی مسئله سی آرا آلینیپ ماصلاحاتلاشیلدی، گلوبال و بؤلگه آرا گۆن ترتیبی نینگ مسئله لرینه ده قارالدی.

قازاغیستان ینگ جمهورباشلیغی، بردی محمدووا دوُغانلیق یورت تۆرکمنیستانا دؤولت ساپارینا چاغیریشی اۆچین مینتدارلیق بیلدیردی و

"موقاددس تۆرکمن توُپراغینا آیاق باسان پورصاتیمیزدان باشلاپ، چئن یۆرکدن نیتلرینگیزی گؤردۆک و آیراتین دویدوق. گؤزل آشغابات شهرینده بوُلانیما بگنیأرین. تۆرکمنلر بیزینگ دوُغان حالقیمیز. حالقلاریمیزینگ آراسینداقی دوُستلیغینگ کؤکلری بار. بیزینگ آراباغلانشیغیمیز کؤپ. بو سرحتلریمیزه هم دگیشلیدیر. تۆرکمنیستانینگ دوُغانلیق حالقی اۆچین آراسسا نیتیمیز بار" دیدی.

توُقایف تۆرکمنلر بیلن قازاقلارینگ آراسینداقی روحی و تاریحی باغلانشیقلارینگ چونگگوردیغینی نیغتادی و قاتناشیقلارینگ اؤسدۆریلمه گی باراسیندا توتان یرلی بوُلاندیقلارینی آیتدی.

بیله کی تاراپدان قازاغیستان بیلن تۆرکمنیستان ینگ یوُلباشچیلاری قوری‌یر و دنگیز آراچأکلری نینگ حقوقی تایدان تاصصیقلانماغی اۆچین ده ایلالاشیق شرطناماسینا قوُل چکدیلر.

توُقایف بو ساپاریندا قازاغیستان- تۆرکمنیستان- ایران یوُلونینگ دوُلولیغینا اولانیلماغی نینگ دا أهمیتینه اۆنس چکدی.

تۆرکمنیستان ینگ جمهورباشلیغی بردی محمدوف دا تۆرکمنیستان ینگ قارابوُغاز گؤلی اۆستۆندن قازاغیستانا دوُغری کؤپری چکمه ک ایسله یأندیکلرینی آیتدی.

 



دِگیشلی حابارلار