ملازگرد ینگیشی قوتلاندی
تۆرکیأنینگ جمهورباشلیغی آحلات دا گچیریلن قوتلاما دابارالارینا قاتناشدی
تۆرکیأنینگ جمهورباشلیغی رجب طیب أردوُغان ملازگرد ساواشی نینگ 950-نجی ییللیغی میناسیبتی بیلن آحلات داقی دابارالارا قاتناشدی.
أردوُغان بۆتین شهیتلری و غازیلاری و قاهریمانلاری یاد ادیأندیکلرینی نیغتادی و ملازگرد ساواشیندا اولی ینگیش قازانان تۆرکمن باش توتان سلطان آلپ آرسلان-آ حوُرمات قوُیدی.
تۆرکیأنینگ جمهورباشلیغی "ملازگرد میللتیمیزینگ بو توُپراقلاردا 1000 ییلا قوُلای بار بوُلماغی نینگ باشلانغیجیدیر" دیدی و سلچوقلیلارینگ اولی سلطانی آلپ آرسلان ینگ سان تایدان اؤزۆندن دؤرت اِسسه یوُقاری بوُلان بیزانس قشونینی ینگندیگینی و آناتولی نینگ قاپیسینی همیشه لک یاغدایدا آچاندیغینی آیتدی.
میلادی 1071-نجی ییلدا 26-نجی آگوست دا آناتولی دا تۆرکیأنینگ ملازگرد دییلن یرینده سلچوقلی سلطان آلپ آرسلان ینگ عسگرلری رومن دیوجانوس ینگ و بیزانس امپراتورلیغی نینگ قشونینی ینگدی.
تۆرکمن‌لرینگ- تۆرکلرینگ اولی حؤکۆمداری سلطان آلپ آرسلان، "تۆرکلره آناتولی نینگ قاپیلارینی آچان باش‌توتان" حؤکمۆنده بیلینیأر.
