حیتای یینگ داشاری ایشلر وزیری تۆرکمنیستان دا بوُلدی

حیتای یینگ داشاری ایشلر وزیری وانگ یی تۆرکمنیستانا ایکی گۆنلۆک ساپار قورادی

1674260
حیتای یینگ داشاری ایشلر وزیری تۆرکمنیستان دا بوُلدی

 

حیتای یینگ داشاری ایشلر وزیری وانگ یی تۆرکمنیستانا ساپار قورادی.

ساپارینگ چأگینده میهمان وزیر، تۆرکمنیستان ینگ داشاری ایشلر وزیری رشید مردوف بیلن دوشوشیق گچیردی.

ایکی تاراپ، تۆرکمن- حیتای قاتناشیقلاری نینگ اؤسۆشی نینگ اونقین دپگینینی بِللأپ گچدیلر.

بیولوژیک و ماغلومات حوُوپسوزلیغی، انرژی، ایقدیصادیه تینگ چیغ مال دأل پوداقلاری، مدنیت، بیلیم، عیلیم و ساغلیغی قوُراییش اولغاملاریندا اؤزآرا قاتناشیقلارینگ اؤسدۆریلمه گی اۆچین أهمیتلی مۆمکینچیلیکلرینگ باردیغی نیغتالدی.

دوشوشیقدا رشید مردوف و وانگ یی تۆرکمنیستان ینگ داشاری ایشلر وزیرلیگی بیلن حیتای حالق جمهوریتی نینگ داشاری ایشلر وزیرلیگی نینگ آراسیندا 2021-2022-نجی ییللار اۆچین حیذماتداشلیغینگ مِیل‌ناماسینا قوُل چکدیلر.

حیتای یینگ داشاری ایشلر وزیری تۆرکمنیستان ینگ جمهورباشلیغی قوربان قولی بردی محمدوف تاراپیندان دا قابول ادیلدی.

وانگ یی تۆرکمنیستانا ادن ساپاریندان سوُنگ اؤزبگیستان ینگ پایتاغتی داشکنت ده "اوُرتاآسیا و گۆن اوُرتا آسیا: بؤلگه آرا آراباغلانشیقلار، قینچیلیقلار و پورصاتلار" آدینداقی کنفرانسا دا قاتناشار.

 

 



دِگیشلی حابارلار