علی یف: آذربایجان گلجِگه قاراماغا طایار

آذربایجان ینگ جمهورباشلیغی، گۆن اوُرتا قفقازینگ اؤسۆشی باراسیندا بیانات بردی

1643075
علی یف: آذربایجان گلجِگه قاراماغا طایار

 

آذربایجان ینگ جمهورباشلیغی الهام علی یف، یوردونینگ توُپراقلاری نینگ 30 ییل اشغال آستیندا قالماغی و بؤلگه دأکی اولی چؤکگۆنلیگه قارامازدان گلجگه قاراماغا طایاردیقلارینی آیتدی و

"واغتی گلر و گۆن اوُرتا قفقاز داقی ایشجنگ حیذماتداشلیق اۆچین گپله شیک گچیرریس دییپ اومیت ادیأرین" دیدی.

علی یف حالقارا نظامی گنجوی مرکزینده گچیریلن "گۆن اوُرتا قفقاز: بؤلگه آرا اؤسۆش و حیذماتداشلیق گؤزیتیمی" سمینارینا قاتناشدی.

داغلیق قاراباغ ساواشیندان سوُنگرا بؤلگه دأکی یاغدای، ارمنیستان بیلن باغلانشیقلی مسئله لر و آذربایجان بیلن باغلانشیقلی پلانلار حاقیندا گۆررۆنگ برن علی یف، دۆرلی یورتلارینگ اوُزالقی جمهورباشلیقلاری، باش وزیرلری و وزیرلری نینگ سوُراغلارینا جوُغاپ بردی.

آذربایجان ینگ جمهورباشلیغی، قاراباغ ساواشی نینگ بؤلگه دأکی یاغدایلاری دوُلولیغینا اۆیتگِده ندیگینی یاتلاتدی و گۆن اوُرتا قفقاز اۆچین تأزه پلانلارا أتیأچ باردیغینی بیلدیردی.

اشغال دؤورۆنده ارمنیستان بیلن هیچ حیلی حیذماتداشلیق قوروپ بیلینمجه کدیگینی آچ آچان آیداندیقلارینی یاتلادان الهام علی یف،

"ایندی گلجگه قارامالیدیرس. آذربایجان یوردونینگ توُپراقلاری نینگ 30 ییل اشغال آستیندا قالماغی و بؤلگه دأکی اولی چؤکگۆنلیگه قارامازدان گلجگه قاراماغا و بیرلشیک حرکت ادن گۆن اوُرتا قفقازینگ بیر پارچاسی بوُلماغا طایاردیرس" دیدی.

علی یف ترانزیت قاتناو مسئله لرینی یاتلادیپ شیله دوُوام اتدی:

"زنگه زور کریدوری نینگ آچیلماغیندان سوُنگ بؤلگه دأکی بۆتین یورتلارا تأزه پورصاتلار دؤرأر. آذربایجان حیذماتداشلیغا و اوُرتاق گلجک اۆچین پلان قورماغا طایاردیر. سیاساتچیلار، بؤلگه ده ایزی گیدرلی اؤسۆش، پاراحاتچیلیق و حوُوپسوزلیغینگ دینگه ایکی تاراپلایین آلیپ باریلان ایشلر بیلن یوُلا قوُیولیپ بیلینجکدیگینی دۆشۆندیرمه لیدیر"



دِگیشلی حابارلار