اینچه بورون ارکین زوُلاغی نینگ دؤره‌دیلمه‌گی تاصصیقلاندی

اینچه بورون دا ارکین زوُلاغی نینگ دؤره دیلمه گی نینگ تۆرکمن صحرا و گۆلیستان ولایاتینا بأحبیتلی بوُلجاقدیغی آیدیلیار

1634857
اینچه بورون ارکین زوُلاغی نینگ دؤره‌دیلمه‌گی تاصصیقلاندی

 

ایران ینگ گۆلیستان ولایاتینداقی اینچه بورون ارکین زوُلاغی نینگ دؤره‌دیلمه گی باراداقی دؤولتینگ تکلیبی یوردونگ بأحبیتلری آنیقلاییش قوراماسی (مجمع تشخیص مصلحت) تاراپیندان تاصصیقلاندی.

اینچه بورون ارکین زوُلاغی نینگ دؤره‌دیلمه گی باراداقی قارارناما دؤولت تاراپیندان ایران ینگ مجلیسینه هؤدۆرله‌نیپدی.

مجلیسده تاصصیقلانان بو قارارناما ایران ینگ اساسی قانونی قوراغ گنگه شی تاراپیندان بأحبیتلری آنیقلاییش قوراماسینا ایبریلیپدی.

ایران ینگ حابار سریشده لری اینچه بورون دا ارکین زوُلاغینگ دؤره دیلمه گی نینگ تۆرکمن صحرا و گۆلیستان ولایاتینا بأحبیتلی بوُلجاقدیغینی بیلدیریأر.

گۆلیستان ولایاتی نینگ حأکیمی هادی حق شناس اینچه بورون ارکین زوُلاغی نینگ دؤره دیلمه گی نینگ ایران ینگ میللی ایقدیصادینا و ایران- تۆرکمنیستان آراسینداقی مدنی قاتناشیقلارا اولی قوُشانت قوُشجاقدیغینی آیتدی.

ایران- تۆرکمنیستان- قازاغیستان دمیریوُلی دا اینچه بورون‌دان گچیأر.

 


اتیکتلر: #اینچه بورون

دِگیشلی حابارلار