شوشا آذربایجان ینگ مدنیت پایتاغتی ایغلان ادیلدی

شوشا آذربایجان ینگ مدنیت پایتاغتی

1558003
شوشا آذربایجان ینگ مدنیت پایتاغتی ایغلان ادیلدی

 

آذربایجان ینگ جمهورباشلیغی الهام علی یف، ارمنیستان ینگ اشغالیندان آزات ادیلن شوشا شهرینی یوردونینگ مدنیت پایتاغتی دییپ ایغلان اتدی.

آذربایجان ینگ بای مدنیته ایه بوُلاندیغینی یاتلادان علی یف، مدنیت وزیری انار کریموف بیلن گچیرن ویدئوکنفرانس آرقالی ماصلاحاتیندا مدنیت و دیلینگ قوُرالماغینا اۆنس چکدی.

علی یف ارمنیستان ینگ اشغال ادن یرلرینده 60-دان کؤپ متجیدینگ ییقیلاندیغینی یاتلاتدی و "هیچ بیر حالقارا قوراما ارمنیستان ینگ بو ادن ایشلرینی یازغارمایار. بیز بوُلسا ارمنی کلیسالارینی قوُرایاریس. بیزینگ ارمنی حالقی بیلن هیچ حیلی مسئلأمیز یوُق و آذربایجاندا یاشایان ارمنیلر بیزینگ یورتداشیمیزدیر" دیدی.

ارمنیلر تاراپیندان ییقیلان تاریحی و مدنی جایلارینگ یانگاداندان دیکه دیلجکدیگینی آیدان آذربایجان ینگ جمهورباشلیغی، شوشا شهرینی آذربایجان ینگ مدنیت پایتاغتی ایغلان اتدی.

شوشا 1992-نجی ییلینگ 8-نجی مای آییندا ارمنیستان تاراپیندان باسیلیپ آلینیپدی.

آذربایجان ینگ قشونی بو شهری 2020-نجی ییلینگ 8-نجی نوُیابریندا آزات ادیپدی.


اتیکتلر: #آذربایجان , #شوشا

دِگیشلی حابارلار