ابراهیم ارن تۆرکمنیستان دا گچیریلن حالقارا مدیا فوُرومینا قاتناشدی
تۆرکمنیستان دا حالقارا مدیا فوُرومی گچیریلدی
ت. ر. ت نینگ دوُلانشیق گنگه شی نینگ باشلیغی و ابراهیم ارن تۆرکمنیستان ینگ همیشه لیک بیتاراپلیغی نینگ 25-نجی ییللیغی میناسیبتلی گچیریلن حالقارا مدیا فوُرومینا قاتناشدی.
ویدئوکنفرانس آرقالی گچیریلن فوُروما 68 یورتدان 300-دن قوُوراق حالقارا و بؤلگه آرا مدیا قوراماسی نینگ وکیللری و هۆنأرمنلری قاتناشدی.
آسیا- یوواش عوممان تله رادیو گپله شیکلر بیله له شیگی نینگ (ABU) باشلیغی نینگ اوُرونباساری حؤکمۆنده قاتناشان ابراهیم ارن، قاراشسیزلیغینی آلانیندان سوُنگ تۆرکمنیستانی ایلکینجی ایقرار ادن یورت بوُلان تۆرکیأنینگ شوُل بیر واغتینگ اؤزۆنده آشغاباتدا ایلچیحانا آچان و تۆرکمنیستان ینگ همیشه لیک بی تاراپلیق یاغدایینی ایقرار ادن ایلکینجی یورتدیغینی بیان اتدی.
تۆرکمنیستان ینگ حالقارا میدانلاردا تانالیان سیاسی بیر قورلوش یاغدایینا گلندیگینی و تاریحی میدانداقی توتومینی گۆیچلندیریأندیگینی آیدان ارن،
"پیکیرلرینگیز و دیپلماتیک یاغدایینگیز نأحیللی گۆیچلی و آبرایلی بوُلسا بوُلسون، ضرور بوُلان ایلکینجی زات یۆزلِنمأنگیزینگ یایراماغی و اشیدیلمه گینی اۆپجۆن اتجک گۆیچلی مدیادیر" دیدی.
حالقارا میدانلاردا مدیانینگ أهمیتی نینگ اۆستۆنده دوروپ گچن ابراهیم ارن، شو گۆنکی گۆن بیر یره اۆیشۆپ بیلمهگیمیزینگ و تۆرکمنیستان ینگ بی تاراپلیق سیاساتی نینگ 25 ییللیق اۆستۆنلیگینی دۆنیأنینگ دؤرت کۆنجهگیندن قاتناشیان حالقارا مدیا وکیللری بیلن ماصلاحاتلاشماغا مۆمکینچیلیک تاپماغینگ، مدیانینگ رُلینی اۆستۆنلیکلی یاغدیدا آلیپ بارماغینا باغلیدیغینی نیغتادی.