حۇجالی قیرغینچیلیغیندان ۲۸ ییل گچدی

آذربایجان ینگ قاراباغ بؤلگه سی نینگ اینگ قادیمی یرلریندن بیری بۇلان قاراباغ حان کندی شهریندن ۱۴ کیلومتر داشدادیر.

۱۹۹۲-نجی ییلینگ قانلی پاجیغاسی بۇلمازدان اۇزال حوجالی دا ۷ مۆنگ آدام یاشایاردی.

۱۹۹۲-نجی ییلینگ فورال آیی نینگ ۲۵-یندن ۲۶-سینا گچن گیجه ارمنی یاراغلی گۆیچلری خان کندی شهرینده یرله شدیریلن شوروی نینگ ۳۶۶-نجی موتوریزه حاربی قشونی نینگ کؤمِگی بیلن، یاراغسیز و یالنگیز حۇجالی شهرینه هۆجۆم اتدی.

ارمنی عسگرلر ایلکی بیلن شهری دؤرت بیر یاندان قاباو آستینا آلدی. سۇنگرا بۇلسا شهر تۇپ و یاراغلار بیلن اورولماغا باشلاندی.

قیسغا واغتدا شهر یانماغا باشلادی.

شهرینگ قۇراغچیلاری و یرلی یاشاییجیلار شهردن چیقماغا مجبور بۇلدی.

آذربایجان ینگ بو شهری ۲۶-نجی فورال دا ارتیر بیلن ساغات ۵-ده ارمنی باسیپ آلیجیلارینگ الینه گچدی.

بیر گیجه ده قادیمی حۇجالی یر بیلن بیر ادیلدی.

جنایاتچی ارمنی قشونی نینگ واغشیچا هۆجۆمینده ۶۱۳ آدام شهیت بۇلدی.

شۇلاردان ۱۰۶-سی زنانا، ۶۳-ی چاغا و ۷۰-ی قارری آداملاردی.

شۇل پاجیغالی گۆنده ۸ ماشغالا دۆیبۆندن یۇق ادیلدی.

۲۴ چاغا هم انه سینی هم آتاسینی الدن بردی.

۱۳۰ چاغا دا انه سی نینگ یا دا آتاسی نینگ اؤلمه‌گینه شایاتلیق اتدی.

۵۶ گۆنأسیز آدام دا ارمنیلر تاراپیندان دیری دیری یاقیلدی، کله سی قۇپاریلدی یا داد ریسی یۆزۆلدی.

آذربایجان ینگ حالقی، تۆرکمنلر، تۆرکلر و ارکین تاراپلار بو جنایاتی هیچ اونوتمادی، اونوتماز.

آذربایجان دا هر ییلینگ ۲۶-نجی فورالی "حۇجالی قیرغینچیلیغی و میللی یاس گۆنی" دییپ یاتلانیار.

حوجالی دا واغشیچا اؤلدۆریلن شهیتلر یات بۇلسین. روحلاری شاد و یاتان یرلری یاغتی بۇلسین.