گۆرجیستان دا حۇجالی قیرغینچیلیغی یاتلاندی

ارمنیستان ۱۹۹۲-نجی ییلدا آذربایجان ینگ حۇجالی اۇباسیندا آذربایجان تۆرکلرینه قیرغینچیلیق ادیپدی

گۆرجیستان دا حۇجالی قیرغینچیلیغی یاتلاندی

 

گۆرجیستان دا یاشایان آذربایجانلیلار حۇجالی قیرغینچیلیغی نینگ 28-نجی ییللیغینی یاتلاماق اۆچین پایتاغت تفلیس ده یؤریش گچیردی.

قادیمی تفلیس محله سینده حیدر علی یف پارکیندا اۆیشن تۇپار، "باسیپ آلیجیلیق دوروزیلسین" شیغارینی یانلارینا آلدیلار.

"حۇجالی اۆچین عادالات" شیغارینی یِلِکلرینه یازان تۇپار تفلیس ینگ کؤچه لرینده حوجالی اۆچین عادالات ایسلأندیکلرینی آیتدی.

یؤریشه قاتناشان کنعان بابایف آناتولی حابار سریشده سینه برن بیاناتیندا، ارمنیلرینگ ۱۹۹۲-نجی ییلدا حوجالی اۇباسیندا قیرغینچیلیق ادندیکلرینی یاتلاتدی و تفلیس ینگ یاشاییجیلارینا شۇل قیرغینچیلیق باراسیندا ماغلومات برمه‌ک ایسلأندیکلرینی آیتدی.

ارمنیستان ینگ یاراغلی گۆیچلری ۱۹۹۲-نجی ییلینگ ۲۶-نجی فورالیندا اۇزالقی شوروی قشونی نینگ ۳۶۶-نجی موتوریزه قشونی بیلن آذربایجان ینگ حۇجالی شهرینی باسیپ آلاندا ۶۳-ی چاغا، ۱۰۶-سی زنانا، ۷۰-ی قارری آدام بۇلماق بیلن ۶۱۳ آدامی اؤلدۆردی.

بو قیرغینچیلیقدان ۷۶-سی چاغا، ۴۸۷ آدام آغیر یاغدایدا یارالانیپ قاچدی.

ارمنیلر حۇجالی دا ۱۲۷۵ آدامی دا اسیر اتدی و شولارینگ ۱۵۰-سیندن هنیز هم حابار آلینیپ بیلینمه‌یأر.

 

 



دِگیشلی حابارلار