آذربایجان تۆرک آقیمی پروژه‌سینه قۇلداو بریأر

الهام علی یف روسیانینگ تلویزیونینا بیانات بردی

آذربایجان تۆرک آقیمی پروژه‌سینه قۇلداو بریأر

آذربایجان ینگ جمهورباشلیغی الهام علی یف یوردونینگ تۆرک آقیمی طبیغی گاز پروژه سینه باشیندان بأری قۇلداو بریأندیگینی آیتدی.

علی یف روسیانینگ دؤولت کانالی روسیا ۲۴-ِه برن بیاناتیندا بؤلگه آرا انرژی پروژه لر باراسیندا قاراییشلارینی بیلدیردی.

روسیا بیلن آذربایجان تاراپینددان اولغاما گیریزیلیأن انرژی تاسلامالاری نینگ بیری بیرینه بأسده‌ش بۇلماندیغینی آیدان علی یف، گۆن اۇرتا طبیغی گاز کریدوری پروژه سی نینگ تاماملانماغی بیلن ۱۰ میلیارد مکعب متر طبیغی گازینگ آذربایجان دان اوروپا آقدیریلجاقدیغینی آیتدی.

آذربایجان ینگ جمهورباشلیغی،

"بو روسیانینگ ییللیق ۱۵۰-۱۷۰ میلیارد مکعب گازی نینگ یانیندا اؤرأن آزدیر. بو سبأپلی گۆن اۇرتا طبیغی گاز کریدوری بیر بأسده‌ش پروژه دألدیر " دیدی.

تۆرک آقیمی پروژه سی باراسیندا دا سؤز سؤزلأن الهام علی یف،

"تۆرک آقیمی پروژه سی نینگ تۆرکیه و روسیا اۆچین اؤرأن أهیمتلی بۇلاندیغینی بیلیأریس. هر ایکی یورت دا بیزینگ یاقین شأریگیمیز. باکو، تۆرک آقیمی پروژه سینه باشیندان بأری قۇلداو بردی. آذربایجان، روسیا و تۆرکیه ده قورالان طبیغی گاز پروژه لریندن اۇرتاق یاغدایدا پیدالانیپ بیلر" دیدی.

روسیانینگ طبیغی گازینی تۆرکیأنینگ اۆستی بیلن اوروپا یتیرجک تۆرک آقیمی پروژه سی نینگ رسمی آچیلیش داباراسی نینگ ۸-نجی ژانویه ده ایستامبول دا گچیریلمه‌گینه قاراشیلیار.



دِگیشلی حابارلار