تۆرکیه قازاغیستانا دویغوداشلیق بیلدیردی

فوکر ۱۰۰ اوچاری ۹۳ یۇلاغچی و ۵ اکیپاژ بیلن اوچیان ماحالی یره قاچیپدی

تۆرکیه قازاغیستانا دویغوداشلیق بیلدیردی

 

تۆرکیه قازاغیستان ینگ آلماتی شهریندأکی اوچار هلأکچیلیگینده آرادان چیقانلار اۆچین دویغوداشلیق بیلدیردی.

داشاری ایشلر وزیرلیگیندن بریلن یازماچا بیاناتدا آلماتی- نورسلطان قاتناوینی عامالا آشیرماق اۆچین اوچان یۇلاغچی اوچاری نینگ قیسغا واغت سۇنگ قاچماغی نتیجه سینده اوچاردا و اوچارینگ قاچان یرینده آرادان چیقانلارینگ و یارالانانلارینگ بۇلماغی اولی قینانچ دؤره دِندیگی بِلله‌نیلدی.

بیان نامادا "بو پاجیغالی هلأکچیلیک سبأپلی دۇست و دۇغات قازاق حالقی نینگ قینانجینی بؤلۆشیأریس، آرادان چیقانلارا آلله دان رحمت، قارینداشلارینا دویغوداشلیق بیلدیریپ صابیر دیله یأریس، یارالانانلارا قیسساغلی شئپا آرزوو ادیأریس" دییلیأر.

قازاغیستان ینگ ساغلیغی قۇراییش وزیرلیگیندن بریلن بیان نامادا هلأکچیلیکده ۱۲ آدامینگ اؤلِندیگی و ۵۳ آدامینگ یارالاناندیغی حابار بریلیپدی.

قازاغیستان ینگ باش وزیری نینگ اۇرونباساری رومان اسکلیار هلأکچیلیگه "اوچارمانینگ یالنگیشی" یادا "تکنیکی نأسازلیق" سبأپ بۇلاندیغینی چاقلایاندیقلارینی آیتدی.

فوکر ۱۰۰ اوچاری ۹۳ یۇلاغچی و ۵ اکیپاژ بیلن اوچیان ماحالی یره قاچیپدی.



دِگیشلی حابارلار