اۇرتاآسیانینگ یۇلباشچیلاری اؤزبگیستان دا ییغناق گچیردی

ماصلاحاتا اؤزبگیستان ینگ یۇلباشچیسی شوکت میرضیایف یۇلباشچیلیق اتدی

اۇرتاآسیانینگ یۇلباشچیلاری اؤزبگیستان دا ییغناق گچیردی

 

اؤزبگیستان ینگ پایتاغتی داشکنت ده اۇرتاآسیانینگ دؤولتلری نینگ باش توتانلاری ماصلاحات گچیردی.

بو ماصلاحاتدا سیاسی، سؤودا- ایقدیصادی، مدنی قاتناشیقلار باراسیندا گنگه شیلدی.

ماصلاحاتا اؤزبگیستان ینگ یۇلباشچیسی شوکت میرضیایف یۇلباشچیلیق اتدی.

ماصلاحاتا تأجیگیستان ینگ جمهورباشلیغی امامعلی رحمان، تۆرکمنیستان ینگ جمهورباشلیغی قوربان قولی بردی محمدوف، قیرغیزیستان ینگ جمهورباشلیغی سورون بای ژگنبکوف بیلن قازاغیستان ینگ اساسلاندیریجی جمهورباشلیغی نورسلطان نظربایف قاتناشدی.

میرضیایف بو گنگه شینگ آچیلیش داباراسیندا،

"اۇرتاآسیا همیشه بای مدنیتی و تاریحی میراثی بیلن اوروپا، اۇرتا گۆن دۇغار، گۆن اۇرتا و گۆن دۇغار آسیا یورتلارینی بیری بیرینه باغلایان کؤپری بۇلاندیر. اولی بای طبیغی چشمه لری و انسانی پتانسیلی بۇلان اۇرتاآسیادا شو گۆنکی گۆنده دۆنیأنینگ اؤنگده باریجی یورتلاری بأحبیتلری اۆچین یاریشیار" دیدی.

تۆرکمنیستان ینگ جمهورباشلیغی قوربان قولی بردی محمدوف دا اۇرتاآسیا اۆلکه‌لرینه اۇوغانیستان –ی اۇرتاآسیا بیلن باغلی پروژه لره اۇرتا اتمه‌گینگ أهمیتینه اۆنس چکدی.

بردی محمدوف اۇرتاآسیاداقی سوو مسئله سینه اۆنس چکیپ، آرال گؤلۆنی یانگاداندان اۇزالقی گؤرکۆنه یتیرمه گینگ تاریحی بیر وظیپه بۇلاندیغینی آیتدی.

ماصلاحاتدا نظربایف مارت آیی نینگ ۱۵-نجی گۆنۆنینگ اۇرتا آسیا گۆنی حؤکمۆنده قوتلانماغینی تِکلیپ اتدی.

بو ماصلاحاتینگ سۇنگراقی ییل قیرغیزیستان دا گچیریلجکدیگی بیلدیریلدی.



دِگیشلی حابارلار