أردۇغان آذربایجانا گیتدی

تۆرکیأنینگ جمهورباشلیغی رجب طیب أردۇغان، تۆرک دیللی یورتلارینگ حیذماتداشلیق گنگه شی نینگ ۷-نجی ییغناغینا قاتناشماق اۆچین آذربایجانا گیتدی.

أردۇغان ایستامبول ینگ آتاتۆرک قۇنالغاسیندا برن مطبوغات کنفرانسیندان سۇنگ تۆرکیأنینگ واغتی بیلن ساغات ۱۱.۲۰-ده آذربایجان ینگ پایتاغتی باکوآ اوچدی.

أردۇغانی بو ساپاریندا اۇرونباساری فواد اوکتای، تۆرکیأنینگ مجلیسی نینگ پلان و بودجه کمیسیونی نینگ باشلیغی و عادالات و اؤسۆش پارتیاسی نینگ مرسین وکیلی لطفی الوان، عادالات و اؤسۆش پارتیاسی نینگ باشلیغی نینگ اۇرونباساری جودت ییلماز، آنکارا وکیلی یالچین آق دوغان، ایستامبول وکیلی احمد حمدی چاملی، ایستامبول ینگ ولایات حأکیمی علی یرلی قایا، عادالات و اؤسۆش پارتیاسی نینگ ایستامبول داقی باشلیغی بایران شن اوجاق و بیله کی ماقاملار اوغورلادی.

أردۇغان بیلن عایالی امینه أردۇغان-ی، صناغات و تکنولوژی وزیری مصطفی وارانک، ساغلیغی ساقلاییش وزیری فخرالدین قوجا، سؤودا وزیری روحسار پک جان، آراقاتناشیق اداراسی نینگ باشلیغی فخرالدین آلتون و جمهورباشلیغینگ مطبوغات گنگه شچیسی ابراهیم قالین یۇلداشلیق ادیأر.