سوئدده بیر تۆرک قاهرامان ایغلان ادیلدی

سوئدینگ پایتاغتی استکهلم دا دۆکأنچی بۇلان ۵۷ یاشینداقی تۆرک آصیللی فاروق ییلدیز ییلینگ قاهرامانی ایغلان ادیلدی.

ییلدیز میتتی استکهلم قازتی تاراپیندان حالقینگ سسلری بیلن قاهرامان ایغلان ادیلدی.

آپریل آییندا دا ییلینگ اینگ قۇوی گؤرۆلیأن دۆکأنچیسی بایراغینی آلان ییلدیز دۆکأنینده ۱۹ ییلدان بأری طیارا ایمیت ساتیار.

بایراق قۇوشوریلیش داباراسیندا چیقیش ادن تۆرکیأنینگ سوئددأکی ایلچیسی حقی امره یونت بایراق آلان ییلدیزی قوتلادی.

یونت، "۵۴ ییلدان بأری بو یرده یاشایان واطانداشیمیزینگ اۆستۆنلیگی بیزی ده بویساندیریار. سوسیال جۇغاپکأرچیلیگی سبأپلی آلان بایراغی قوتلاماق اۆچین بو یره گلدیم" دیدی.