فواد اۇکتای آذربایجاندا
اوکتای یینگ ساپاریندا ایکی یوردونگ آراسیندا گۆمرۆک آراقاتناشیق حاطی باراسیندا ایلالاشیلدی
تۆرکیأنینگ جمهورباشلیغی نینگ اۇرونباساری فواد اوکتای آذربایجان دا ساپاردا بۇلیار.
اوکتای یینگ ساپاریندا ایکی یوردونگ آراسیندا گۆمرۆک آراقاتناشیق حاطی باراسیندا ایلالاشیلدی.
شۇل حاط اۆستی بیلن اؤزآرا سؤودا چالتلاشدیریلار.
تۆرکیأنینگ جمهورباشلیغی نینگ اۇرونباساری باکودا آذربایجان ینگ جمهورباشلیغی الهام علی یف تاراپیندان قابول ادیلدی.
دوشوشیق بیر ساغات بۇیونچا دۇوام اتدی.
اوکتای شۇل یرده برن بیاناتیندا، تۆرکیه بیلن آذربایجان ینگ ایقدیصادی قاتناشیقلاری نینگ اؤرأن اؤسیأندیگینی و اؤزآرا ایقدیصادی کمیسیونی ماصلاحاتی نینگ ایقدیصادی قاتناشیقلارینگ اؤسدۆریلمه گی اۆچین أؤرأن أهمیتلی بۇلاندیغینی آیتدی.
دوشوشیقدا قۇرانماق صناغاتی و اکرانچیلیق و درمان پوداقلاریندا ایلالاشیلدی.
فواد اوکتای آذربایجان ینگ باش وزیری نوروز ممدوف بیلن تۆرکیه- آذربایجان ینگ ۸-نجی اۇرتاق ایقدیصادی کمیسیونی نینگ ماصلاحاتینی گچیردی.
ماصلاحاتدا چیقیش ادن اوکتای پروتکلینگ تۆرک میللتینه و دۇغانلیق آذربایجان حالقینا پیدالی بۇلماغینی آرزوو اتدی.
آذربایجان بیلن تۆرکیه آراسیندا قۇل چکیشیلن ایلالاشیقلارینگ آراسیندا، حلال ایمیتده حیذماتداشلیق، چیغ ماددا و شونگا منگزه ش اؤنۆملرینگ بِلله نمهگی، قۇشا سالغیدینگ اؤنگۆنه گچمه ک، باکو- تفلیس- جیحان دمیریۇلی پروژه سیندأکی سرحت گچلگه لریندن گچیلمه گی نینگ آنگساتلادیلماغی یالی ماددالار یر آلیار.
اوکتای بیلن ممدوف ماصلاحاتدان سۇنگ ۸-نجی اۇرتاق ایقدیصادی کمیسیونی نینگ پروتکلینا قۇل چکدی.