اؤزبگیستان تۆرک گِنگهشینه آغضا بۇلار
تۆرکمنیستان دا تۆرک گنگهشینه سینچی آغضا حؤکمۆنده قاتناشار
تۆرکیأنینگ داشاری ایشلر وزیری مولود چاووش اۇغلی اؤزبگیستان ینگ تۆرک دیللی یورتلار بیله له شیگی بۇلان تۆرک گنگه شینه آغضا بۇلجاقدیغینی آیتدی.
چاووش اۇغلی تۆرکمنیستان ینگ دا سینچی یورت حؤکمۆنده بو گنگهشه قاتناشجاقدیغینی بیلدیردی.
گاووش اۇغلی تۆرک دۆنیأسی اۆچین قورالان تۆرک گنگه شی نینگ اولالیاندیغینی آیتدی و ۱۶-نجی اکتبردا تۆرک گنگهشی نینگ بو ییلقی ماصلاحاتینی گچیرجکدیکلرینی بیلدیردی.
اؤزبگیستان ینگ بو گنگه شه آغضا بۇلماق اۆچین رسمی یاغدایدا یۆز توتاندیغینی بیلدیرن تۆرک وزیر، آغضالیق اۆچین اؤزبگیستانا گرهکلی کاغیذلارینگ ایبریلندیگینی نیغتادی.
چاووش اۇغلی؛
"ایلکینجی گِزه ک تۆرکمنیستان دا بو ایشه اؤنگین قارادی. سینچی حؤکمۆنده بو ایشه باشلاماق ایسله یأندیکلرینی بیلدیردیلر" دیدی.
تۆرک گنگه شی نینگ باشلیغی و قازاق باش ایلچی بغدات امره یف و اۇرنباساری نینگ تۆرکمنیستانا ساپار قوراجاقدیقلارینی آیدان چاووش اۇغلی، تۆرک گنگه شی نینگ أهمیتلی بیر قوراما بۇلاندیغینا اۆنس چکدی.
اؤتن ییل ایسیق گؤل ده گچیریلن ماصلاحاتدا مجاریستان ینگ سینچی آغضا بۇلاندیغینی یاتلادان چاووش اوغلی، ۱۹-نجی سنتیابردا مجاریستان ینگ پایتاغتی بوداپست ده بیله کی آغضا یورتلارینگ داشاری ایشلر وزیرلری بیلن بیله لیکده تۆرک گنگه شی نینگ اوروپاداقی اداراسی نینگ آچیلیش داباراسینا قاتناشجاقدیغینی بیلدیردی.