قازاغیستان ینگ تأزه جمهورباشلیغی توقایف

قازاغیستان ینگ تأزه جمهورباشلیغی سایلاندی.

یکشنبه گۆنی گچیریلن سایلاودا قاسیم جومارت توقایف ۷۰.۱۳ گؤتریم سس آلیپ قازاغیستان ینگ جمهورباشلیغی سایلاندی.

جمغیتچیلیک پیکیر انستیتوسی نینگ باشلیغی آینور مجیدووا قوران مطبوغات کنفرانسیندا یوردونگ ۳۲۵ سایلاو مرکزیندأکی ۱۳ مۆنگ ۲۰۰ سایلاوچی نینگ آراسیندا گچیریلن بارلاغا گؤرأ توقایووینگ ۷۰.۱۳ گؤتریم سس آلاندیغینی آیتدی.

کمونیستلر حالق پارتیاسی نینگ دالاشگأری ژامبیل احمدبکوف ۳.۸۶ گؤتریم، قازاغیستان دموکرات پارتیاسی آق یۇل ینگ دالاشگأری دانیا یسپایوا ۵.۸۲ گؤتریم سس آلدی.

مجیدووا میللتینگ اوقیبی نینگ دالاشگأری امیرجان کوسانووینگ ۱.۴۱ گؤتریم و اولی دالا قیرانداری نینگ دالاشگأری صادق بک توگل ینگ ۰.۸۶ گؤتریم سس آلاندیغینی بیلدیردی.

قاسیم جۇمارت توقایف، قازاغیستان جمهوریتی نینگ اساسلاندیریجی جمهورباشلیغی نورسلطان نظربایووینگ وظیپه دن چکیلندن سۇنگ ایشینگ باشینا گلیپدی.