سیل تۆرکمنصحرانی کؤسهیأر
نأچه گۆندن بأری تۆرکمنصحرا سوو آستیندا
ایران ینگ تۆرکمنصحرا بؤلگه سی ایلایتا دا گۆلیستان ولایاتی نینگ کۆممِت قاووز، آق قالا و کۆمۆش دپه شأهِری و اۇبالاری نأچه گۆندن بأری سیل سبأپلی کؤسهنیأر.
کۆممِت قاووز شأهِرینده سیل سوولاری نینگ کؤشِهشِندیگی آیدیلسا دا اترک و گۆرگن یاقاسینداقی اۇبالارینگ بۇشالدیلماغی ایسلهندی.
کۆممِت شأهِریندن سۇنگرا آق قالا بیلن کۆمۆش دپه و بندر تۆرکمن ینگ اۇبالاری دا سیل بلاسینا دوچار بۇلدی.
ایران ینگ رسمی حابار سریشده سی، آق قالا شأهِری نینگ ۷۰ گؤتریمی نینگ سوو آستیندا قالاندیغینی بیلدیردی.
شأهِرینگ یاشاییجیلاری قاییق بیلن کؤچه لرده قاتنایار.
آق قالانینگ بیرنأچه اۇباسی نینگ بۇشالدیلاندیغی بیلدیریلیأر.
گۆرگن شأهِری نینگ جومغا امامی آیت الله سیدکاظم نورمفیدی گۆلیستان ولایاتی نینگ جۇغاپکأرلرینی ایش باشینا چاغیردی.
نورمفیدی اینگ آز ۱۸۰ مۆنگ هکتار یر و ۷ مۆنگ هکتار باغینگ سیل سبأپلی ضلل گؤرِندیگینی بیلدیردی.
دؤولت بۇلسا سیبدان ضلل گؤرِنلره مادّی کؤمِک بریلجکدیگینی بیلدیریأر.
ایرنانینگ حابارینا گؤرأ کۆممِت قاووزینگ جومغا امامی، گۆلیستان ولایاتی نینگ تلویزیون کانالیندان بینجالیغینی بیلدیردی. آخون جاور گۆلیستان و بوستان بنتلری نینگ واغتیندا آچیلماندیغینی آیتدی.
بیله کی تاراپدان گۆللیداغ شأهِرچه سی نینگ ۲۷ اۇباسیندا یر سۆیشدی.
آق تۇقای- ارکِکلی یۇلونینگ دا یاپیلاندیغی حابار بریلدی.
دوشنبه گۆنۆندن بأری گۆلیستان ولایاتیندا ۳۰۰ میلیمتر یاغیش یاغدی.
گۆلیستان ینگ داغلاریندا بۇلسا ۱.۵ متر قار یاغدی.