اسکی شهیرده نوروز قوتلاندی

دابارا تۆرکیأنینگ جمهورباشلیغی نینگ اۇرونباساری فواد اکتای و YTB و ت. ر. ت نینگ باشلیقلاری دا قاتناشدی

1168933
اسکی شهیرده نوروز قوتلاندی

 

اسکی شهیرده نوروز دابارالی یاغدایدا قوتلاندی.

داشاری یورتلی تۆرکلر و قارینداش جمغیتلر اداراسی نوروز دابارالارینی اسکی شهیرده گچیردی.

دابارا جمهورباشلیغینگ اۇرونباساری فواد اکتای، ادارانینگ باشلیغی عبدالله ارن، اسکی شهیرینگ مجلیس وکیلی نبی آوجی، آنادولو بیلیم یوردونینگ باشلیغی پروفسور دکتر شفق ارتان چوماقلی، ت. ر. ت نینگ باشلیغی ابراهیم ارن و تۆرک دۆنیأسی نینگ وکیللری و طالیپلار قاتناشدی.

نوروز تۆرک دۆنیأسی نینگ اۇرتاق میراثی

اۇرتاآسیادان بالکان یورتلارینا چنلی گینگ یرده قوتلانان نوروزینگ بۆتین آدامزادا قوتلی بۇلماغینی دیلأن فواد اکمتای "نوروز آتا یأدیگأری تۆرکیستان دان دۇغان بیر برکت و سؤیگی بایرامیدیر. نوروز تۆرک دۆنیأسی نینگ اۇرتاق میراثیدیر. بیزلر شو گۆن دۆنیأنینگ دۆرلی یورتلاریندان سیز یاش دۇغانلاریمیز بیلن بیله لیکده شیله قۇوی یاغدایدا نوروز بایرامینی قوتلانیمیز اۆچین حۇش باغت. تاپاووتلاری بایلیق حؤکمۆنده گؤریأریس، هیچ کیمه کِسِه‌کی دیمه‌یأریس. دۇغانلیق یاغدایدا نوروزی قوتلایاریس. بو اۇوادان دابارانی قوران و بیزی اۆیشۆرن آنادولو بیلیم یوردومیزا و داشاری یورتلی تۆرکلر اداراسینا مینتدارلیق بیلدیریأرین" دیدی.

تۆرکیه دۆنیأنینگ نوروزی اۆچین گؤره‌شیأر

دابارادا چیقیش ادن داشاری یورتلی تۆرکلر و قارینداش جمغیتلر (YTB) نینگ باشلیغی عبدالله ارن بۇلسا تۆرکیأنینگ رسمی سرحتلری نینگ داشیندا دا کؤنگۆل باغی بار دیدی. YTB- نینگ دۆنیأنینگ دؤرت بیر یانینداقی دۇغان و قارینداش حالقلار بیلن یانگاداندان مأهیرلی قاتناشیقلار قوراندیغینی آیدان ارن،

"بیز بیر امپراتورلیغینگ قالیندیسیدیرس. بیزینک واطانیمیز ۷۸۴ مۆنگ اینه دؤردۆل کیلومتر اِمما بیز عثمانلی امپراتورلیغی نینگ قالیندیسی و کؤپ سانلی دۇغان و قارینداش حالقیمیز سرحدیمیزینگ داشیندا یاشایار. دۆنیأنینگ دؤرت بیر یانیندا تۆرکچه گۆرله‌شیأن جمغیت بار. بو جمغیتلر بیلن مأهیرلی قاتناشیقلاریمیز بۇلمالیدیر" دیدی.

 



دِگیشلی حابارلار