آمریکاداقی آهیسکا تۆرکلرینه تۆرکیأنینگ رایاتلیغی بریلر

تۆرکیأنینگ داشاری ایشلر وزیری مولود چاووش اوغلی آمریکادا یاشایان و آمریکانینگ رایاتلیغینا گچن آهیسکا تۆرکلرینه تۆرکیأنینگ ده رایاتلیغی نینگ بریلجکدیگینی آیتدی.

مولود چاووش اۇغلی آنتالیادا بۆتین دۆنیأ آهیسکا تۆرکلری بیله له شیگی نینگ آۀق دنگیز اداراسیندا گچیریلن دابارا قاتناشدی.

آهیسکا تۆرکلری نینگ نیرأ گیتسه لر ده دأپ دِسسورلارینی، تۆرک و مسلمان بۇلاندیقلارینی اونوتماندیقلارینی یاتلادان چاووش اوغلی آهیسکا تۆرکلری نینگ جومارت بۇلاندیقلارینی بیلدیردی.

چاووش اوغلی اؤز یورتلاریندان سۆرۆلِن آهیسکا تۆرکلری اۆچین اوروپا گنگه شی و گۆرجیستان بیلن دوشوشیقلار گچیرندیکلرینی و اۇلارینگ اؤز دۇغدوق دیارلارینا قایتماغی اۆچین أهمیتلی بیر قانون چیقاراندیقلارینی بیلدیردی.

تۆرک وزیر آهیسکا تۆرکلری نینگ یاشایان یرلرینه گیدن واطانداشلارینا اؤی آلیناندیغینی، متجیت و اۇقووجایی سالیناندیغینی یاتلاتدی.

تۆرکیأنینگ داشاری ایشلر وزیری، آمریکادا یاشایان و شول یوردونگ رایاتلیغینا گچن آهیسکا تۆرکلرینه تۆرکیأنینگ ده رایاتلیغی نینگ بریلجکدیگینی بیلدیردی.