تۆرکیأنینگ قشون باشلیغی آذربایجان‌دا

"داغلیق قاراباغ مسئله سی آذربایجان بیلن بیله لیکده تۆرکیأنینگ ده مسئله‌سیدیر"

1091740
تۆرکیأنینگ قشون باشلیغی آذربایجان‌دا

 

تۆرکیأنینگ قشونی نینگ باشلیغی ژنرال یاشار گۆلر دۇغانلیق یورت آذربایجان‌دا ساپاردا بۇلدی.

ژنرال گۆلر آذربایجان ینگ جمهورباشلیغی الهام علی یف تاراپیندان قابول ادیلدی.

دوشوشیقدا ایکی یوردونگ آراسینداقی دۇستلوق و دۇغانلیغا اۆنس چکیلدی و باشدا حاربی قاتناشیقلار بۇلماق بیلن بۆتین قاتناشیقلارینگ اؤسدۆریلمه گی نینگ أهمیتی نیغتالدی.

پرزیدنت علی یف، ایکی یوردونگ باش توتانلاری نینگ آراسینداقی ایزی گیدرلی دوشوشیقلاری نینگ ایکی یوردونگ اؤزآرا قاتناشیقلاری نینگ اؤسمه گینده اولی أهمیته ایه دیگینی آیتدی.

آذربایجان ینگ جمهورباشلیغی، آذربایجان- تۆرکیه آراسینداقی عسگری حیذماتداشلیغینگ یۇقارلادیلماغیندا اۇرتاق حاربی تۆرگِنله شیکلرینگ اؤرأن مؤهۆمدیگینی آیتدی.

آذربایجان جمهوریتی نینگ ۱۰۰-نجی ییللیغینی قوتلایان ژنرال گۆلر، آذربایجان ینگ گلجکده اولی اؤسۆشلره ایه بۇلجاقدیغینا اینانیاندیغینی بیلدیردی.

گۆلر داغلیق قاراباغ مسئله سینه اۆنس چکیپ، بو مسئلأنینگ دینگه آذربایجانا دال، شۇل بیر واغتدا تۆرکیأ ده اولی أهمیتلی بۇلاندیغینی آیتدی.

ژنرال گۆلر آذربایجان ینگ قشون باشلیغی ژنرال نجم الدین سادیقوف بیلن ده دوشوشدی.

صادیقوف بو دوشوشیقدا ارمنیستان- آذربایجان جپهه سیندأکی سۇنگقی یاغدایلار حاقیندا ماغلومات بردی.

ارمنیستان ینگ باسیپ آلیجی سیاساتینا دۇوام ادیأندیگینی آیدان آذربایجانلی قشون باشلیغی، مسئلأنینگ چؤزگۆدی نینگ دینگه آذربایجان ینگ تۇپراق بیتولیگی نینگ قۇرالماغی و حالقارا حقوغا تابین بۇلماق بیلن بۇلجاقدیغینی بیلدیردی.

تۆرکیأنینگ قشون باشلیغی باکو شأهِرینده شهیتلیکلری ده زیارات اتدی.

مرحوم حیدر علی یف ینگ فخری خیابانینداقی قبورینا گۆل دِسسه سینی قۇیان گۆلر، سۇنگ بۇلسا شهیتلر خیابانینداقی یأدیگأرلیگه گۆل دِسسه سینی قۇیدی.

 

 



دِگیشلی حابارلار