داعش تلعفرده ۲۰۰ تۆرکمن اؤلدۆردی

موصل ولایاتی نینگ مجلیسی نینگ اۇرونباساری، داعش ینگ تلعفردن قاچماغا سینانشان ۲۰۰ تۆرکمن آدامی توسساغ ادیپ اؤلدۆرِندیگینی آیتدی.

764870
داعش تلعفرده ۲۰۰ تۆرکمن اؤلدۆردی

 

عیرغاینگ موصل شأهِرینده قاباو آستیندا بۇلان ترور قوراماسی داعش ینگ قیرغینچیلیغی دۇوام ادیأر.

داعش تلعفر شأهِرینده ۲۰۰ عیراقلی تۆرکمن-ی اؤلدۆردی.

موصل ولایاتی نینگ مجلیسی ننیگ اۇرونباساری نورالدین قاپلان، داعش ینگ تلعفردن آسودا یرلره قاچماغا سینانشان ۲۰۰ تۆرکمن آدامی توسساغ ادیپ اؤلدۆرِندیگینی آیتدی.

قاپلان، داعش تاراپیندان قیریلان تۆرکمنلرینگ ۲ آی بۇیونچا ترورچیلار تاراپیندان زنداندا ساقلاناندیغینی آیتدی.

نورالدین قاپلان اؤلدۆریلنلرینگ آراسیندا چاغالار و زنانالار دا بار دیدی.

داعش نأچه آیندان بأری تلعفرده کؤپ سانلی ماشغالانی زۇر بیلن توتیار و اۇلاری قالقان حؤکمۆنده اولانماق ایسله یأر.

ترور قوراماسی داعش، ۲۰۱۴-نجی ییلینگ آگوست آییندان بأری موصل ینگ گۆن باتارینداقی عیراغینگ اینگ اولی اترابی (ولسوال- شهرستانی) بۇلان تلعفری کنترل ادیأر.

تلعفرده کؤپلِنچ یاغدایدا یاشایان تۆرکمنلر داعش ینگ ظلمیندان حالاص بۇلماق اۆچین شۇل شأهِردن قاچماغا سینانشیار.



دِگیشلی حابارلار