تۆرک دۆنیأسینینگ اۇرتاق تاریح کیتابی طایار
۲ ییلا چنلی تۆرک اۆلکهلرینگ اۇرتاق تلویزیون کانالی دا آچیلار
تۆرک گنگهشینینگ باشیازمانی رامیل حسنوف، گنگهشه آغضا یورتلارینگ مِکدِپلرینده اۇقادیلجاق اۇرتاق تاریح کیتابینینگ طایاردیغینی بیلدیردی.
حسنوف "مه آییندا آغضا یورتلارینینگ بیلیم وزیرلری بو کیتابینگ سۇنگقی گؤرنۆشینی تاصصیقلار. یۇلباشچیلار و مجلیسلر تاصصیقلاندان سۇنگ بو کیتاپ ۲۰۱۶-نجی تعلیم تربیه ییلیندا ۸-نجی کلاسلاردا اۇقادیلار" دیدی.
تۆرک دیللی یورتلارینگ حیذماتداشلیغی گنگهشینینگ آچیلماغی، ۱۹۹۲-نجی ییلدا تاصصیقلاندی و بو گنگهش ۲۰۰۹-نجی ییلدا نخجواندا آچیلدی.
تۆرکیه، آذربایجان، قازاغیستان و قیرغیزیستان بو گنگهشینگ آغضالاری و تۆرکمنیستان دا بو گنگهشینگ پرۇژهلرینده یر آلیار.
حسنوف تۆرک گنگهشینینگ قورالماغینی ایلکینچی گِزهک قازاغیستانینگ یۇلباشچیسی نورسلطان نظربایف برِندیگینی یاتلاتدی و تۆرکیأنینگ اۇزالقی جمهورباشلیغی عبدالله گۆل و شۇل واغتقی باشوزیری رجب طیب أردۇغانینگ دا بو گنگهشینگ قۇرالماغینا قۇلداو برِندیکلرینی نیغتادی.
تۆرک گنگهشینینگ باش یازمانی بو گنگهشه مجاریستانینگ دا آغضا بۇلوپ بیلجِکدیگینی آیتدی.
اۇرتاق تاریح کیتابی تۆرکلرینگ ۱۵-نجی عاصرا چنلی بۇلان تاریحی باراسیندا.
حسنوف تۆرک گنگهشینینگ اۇرتاق تلویزیون کانالینینگ ۲ ییلینگ دۇوامیندا طایار بۇلجاقدیغینی دا نیغتادی.