روسیا قیرغیزیستانا ۵۰۰ میلیون دلار کؤمِک برِر
روسیا قیرغیزیستانا ۵۰۰ میلیون دلار کؤمِک برجِکدیگینی بیلدیردی
قیرغیز جمهوریتینینگ جمهورباشلیغی آلمازبک آتامبایف دۆین روسیانینگ سۇچی شأهِرینده پرزیدنت ولادیمیر پوتین بیلن دوشوشدی.
قیرغیز جمهوریتینینگ جمهورباشلیق قوللوغی تاراپیندان برلن بیاناتدا آتامبایووینگ پوتین بیلن بۇلان دوشوشیغیندا ایکی یوردونگ آراسینداقی قاتناشیقلارا قارالاندیغی و یۇقاری درجهلی قاتناشیقلارا حۇشاللیق بیلدیریلِندیگی نیغتالدی.
آتامبایووینگ قیرغیزیستانینگ استراتژیک حیذماتداشی و دۇغانی روسیا بیلن ادیأن قاتناشیقلارینی پوغتالاندیرماق ایسلهیأندیگی یاتلادیلدی.
قیرغیز جمهوریتینینگ گۆمرۆک بیلهلهشیگینه آغضا بۇلماق اۆچین اولی تاغاللا ادیأندیگینی آیدان آلمازبک آتامبایف "گۆیچلی قۇلداو برزلن حالاتیندا گۆمرۆک بیلهلهشیگینه شو ییل آغضا بۇلماغی ماقصات ادینیأندیکلرینی" بِللهدی.
ریانووستینینگ بریأن حابارینا گؤرأ پوتین- آتامبایف دوشوشیغیندان سۇنگ مطبوغاتا بیانات برن روسیانینگ داشاری ایشلر وزیری سرگئی لاوروف، قیرغیزیستانینگ ایقدیصادی تایدان اؤسۆشی و اوروپا اوتغاشیقلیغی اۆچین ۵۰۰ میلیون دلارلیق کؤمِک بریلمهگی باراسیندا قارارینگ قابول ادیلِندیگینی آیتدی.
دِگیشلی حابارلار
تۆرک دۆنیأسی نینگ آنسیکلوپدیسی طایارلاندی
طایارلانان آنسیکلوپدیده تاریحدان ادبیاتا کؤپ سانلی مدنی بایلیقلار حاقیندا ماغلومات بریلیأر
