تۆرکیه عیراق تۆرکمنلرینه قومانیتار کؤمِک بریأر

تۆرکیأنینگ باش‌وزیرلیگینه دِگیشلی طبیغی پاجیغالار و تیزکؤمِک قوراماسی عیراق‌داقی چاقنیشیقلاردان قاچانلرینگ یاشاماغی ماقصادی بیلن دهوک شأهِرینه تابین فیشابوردا ۲۰ مۆنگ آداملیق چادیرشأهِر قورار.
چادیرشأهِرینگ دۇلانشیغی تۆرکمنلره بریلر.
بو چادیرشأهِرینگ ۱ هِپده‌ده قورالماغی ماقصات ادیلیأر.
تۆرکیه، چاقنیشیقلارینگ باشلان واغتیندان بأری عیراقلی تۆرکمنلرینگ یانیندا بۇلدی.
شو واغتا چنلی عیراغینگ دمیرقازیغینا ۹۲ کانتینر انسانی (قومانیتار) کؤمِک قۇیبریلدی.
کؤمِکلر عیراغینگ تۆرکمن جِبهه‌سی بیلن بیله‌لیکده سینجار، دهوک، تل‌کیف، کرکوک، اربیل و تلعفردأکی بۇسغونلارا بریلدی.
تۆرکیأنینگ باش‌وزیرلیگینه دِگیشلی طبیغی پاجیغالار و تیزکؤمِک قوراماسی ۱۲-نجی ژوئن‌دن بأری ۱۰ مۆنگ ۹۰۴ آداملیق ایمیت، ۱۲ مۆنگ ۵۰۰ آداملیق چادیر، ۱۰ مۆنگ یۇرغان، ۴۴۱ مۆنگ ۵۳۹ سانی دِرمان، ۲ مۆنگ آش‌اؤیی انجامی و ۲ مۆنگ آداملیق انسانی کؤمِک انجامینی عیراق‌دا اؤیلرینی ترک اتمأگه مجبور بۇلانلارا ایبردی.