کریمه تاتارلاری حاطیرالاندی
سۆرگۆن ادیلنلرینگ حورماتینا یاقیلان چیرالار کریمه یاریم آداسینینگ کارتاسی شکلینده دۆزۆلدی
۷۰ ییل اوزال شوروی حؤکۆمتی تاراپیندان سۆرگۆن ادیلن کریمه تاتارلاری اوکراینانینگ پایتاغتی کیفده حاطیرالاندی.
حاطیرالاما چأرسینه کریمأ گیرمهگینه روغصات بریلمهدیک کریمه تاتارلارینینگ لیدری وِ اوکراینانینگ مجلیس وکیلی مصطفی عبدالجمیل کریماۇغلی هم قاتناشدی.
کیف وِ لویو شأهرلرینده گچیرلن حاطیرالاما چأرهلرینه تاتارلار بیلن اۇلارا قوُلداو بریأن اوکراینالیلار قاتناشدی.
سۆرگۆن ادیلِنلرینگ حۇرماتینا یاقیلان چیرالار کریمه یاریم آداسینینگ کارتاسی شکلینده دۆزۆلدی.
کریمه دأکی حاطیرالاما چأرهلری بولسا دارتغینلی اتمسفرده گچیریلدی.
کریمأنینگ روسیا قوُلداو بریأن حؤکۆمتی تاراپیندان قۇیلان قاداغانچیلیق سبأپلی دینگه ۱۰۰ آدام پایتاغت آقمسجیتدأکی سۆرگۆن یادیگأرلیگینه گۆل دسسهلرینی قۇیدی.
اینگ اولی چأره بولسا ۱۵ مۆنگه قۇلای آدامینگ قاتناشماغیندا باغچاسارایدا گچیریلدی.
امما روسیانینگ حاربی گۆیچلرینه دگیلشی ایکی حاربی دیک اوچارینگ پسدن اوچماغی سبأپلی حاطیرالاما چأرهسی قالماغاللی یاغدایدا گچیریلدی.
اوکرایناداقی تاتارلار شوروینینگ یۇلباشچیسی استالین تاراپیندان ۱۹۴۴-نجی ییلینگ ۱۸-نجی مایییندا مجبوری یاغدایدا اورتا آسیا وِ سیبریه سۆرگۆن ادیلیپدی.
تاتارلارینگ یاریسی یۇلدا یادا گیدن یرلرینده آچلیق، سووسوزلیق وِ حاسسالیق سبأپلی اؤلدی.
تاتارلارینگ دوغدوق دیارلارینا دۇلانیپ بارماقلارینا ۱۹۸۰-نجی ییلدان سونگ بؤلِهکلهیین روغصات بریلدی. امما بو مسئله هنیزم دولی چؤزۆلمِهدی.