أمأنگلدی ضمیر ایران‌ینگ ۴-نجی تۆرکمن حأکیمی
ایران‌دا گۆلیستان ولایاتیندا اتراپلارینگ دؤردۆنجی تۆرکمن حأکیمی ده بِللی بۇلدی.
شیله‌لیک بیلن أمأنگلدی ضمیر کۆمۆش‌دپه (گمیشان) اترابی‌نینگ (شهرستانی‌نینگ) حأکیمی بۇلدی.
تۆرکمن شاهیرلار و یازیجیلار تاراپیندان یاقیندان تانالیان و مدنی چأره‌لر بیلن قیزیقلی بۇلان ضمیر موندان اۇزال کۆمِت‌قاوویز (گنبدکاووس) اتراپ حأکیملیگینده ایشله‌یأردی.
یازیپ چیزان أمانگلدی ضمیر دۆنیأ تۆرکمنلری آدیندان بیر کیتابی دا ایران‌دا نشیر اتدی.
شیله‌لیک بیلن تۆرکمن‌صحرادا و گۆلیستان ولایاتیندا بندر تۆرکمن، آق‌قالا، ماراوادِپه و کۆمۆش‌دِپأنینگ اتراپ (شهرستان) حأکیملری تۆرکمنلردن سایلاندی.
کۆممِت قاوویز (گنبد کاووس) و کلالا یالی شأهِرلرینگ حأکیملری بۇلسا باشغا اتنیک تۇپارلاردان.
حسن روحانی‌نینگ ایران‌ینگ جمهورباشلیغی حؤکمۆنده سایلانماغیندان سۇنگ تۆرکمنلرینگ کؤپلِنچ یاشایان یری بۇلان گۆلیستان ولایاتی‌نینگ حأکیمی حؤکمۆنده حسن صادقلو سایلاندی.
آصلی قیزیلباش بۇلان صادقلو تۆرکمنلری یاقیندان تانایان و تۆرکمنلر بیلن قاتناشیغی کؤپ بۇلان آداملاردان بیری.
صادقلو اؤز وظیپه‌سینه باشلاندان سۇنگ بندر تۆرکمن‌ده بایرام نامازیندا چیقیش ادیپ تۆرکمنلره اۇلاردان رسمی دۇلانشیقدا پیدالانجاقدیغی باراسیندا سؤز بریپدی. تۆرکمنلرینگ ایران‌ینگ بیر پارچاسی بۇلاندیغینی نیغتان حسن صادقلو اؤز آتاسی‌نینگ "تۆرکمن بیلن قیزیلباش دۇغاندیر" دیه‌ندیگینی یاتلادیپدی.
شیله‌لیک بیلن گۆلیستان ولایاتیندا تۆرکمن اتراپ حأکیملری‌نینگ سانی شیله:
بندر تۆرکمن‌ینگ اتراپ حأکیمی و ایران تۆرکمنلری‌نینگ ایلکینجی زنانا حأکیمی حانیم مرجان نأزقیلیچی
ماراوادِپه اتراپ حأکیمی: اسماعیل تأجی
آق‌قالا اتراپ حأکیمی: الیاس هیواچی
دکتر ارازمأمِت سارلی، محمدقلی مارامایی، نقدی گۆل‌چشمه و دکتر شکیبایی یالی تۆرکمنلر بۇلسا گۆلیستان ولایاتی‌نینگ حأکیمی‌نینگ گِنگه‌شچیسی حؤکمۆنده ایش لیپ باریار.
