آمریکا بیلن ایران ینگ آراسینداقی دارتغینلیق و تۆرکیأنینگ توتومی
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقایارسینگیز
مسلمانلارینگ اولی عالیمی ابن خلدون، دؤولتلری انسانلارا مِنگزِهدیأر. اۇلار هم انسانلار یالی دۇغولیار. کمالا گلیأر و اؤلیأر. عثمانلی عالیمی کاتب چلبی هم شونگا منگزهش قاراییشی قۇلدایار.
دۇغرودان هم گچمیشدأکی بیرنأچه اولی مدنیتلرینگ، دؤولتلرینگ واغتینگ گچمه گی بیلن تاریح صاحناسیندان چکیلندیکلرینی گؤریأریس. ییغی ییغیدان بیان ادیلشی یالی دورموشدا اۆیتگه مه یأن یکه تأک زات بار اۇل هم دورموشینگ اؤزیدیر.
بیزینگ گۆنلریمیز هم شونگا منگزه ش اِتاپلاری باشدان گچیریأریس. آمریکانینگ ایقدیصادی، تکنولوژیک، سیاسی، عادالات و آدام حقوقلاری تایدان حالقارا بأسله شیکده اساسی رُل اۇیناپ بیلجک گۆیجی قالمادیق یالی گؤرۆنیأر. آمریکانینگ یۇقاردا آدی آغزالیان اوغورلاردا یانگاداندان حالقارا بأسله شیکده اساسی رُل اۇیناماغینا هم قاراشیلمایار. شۇل سبأپلی هم حالقارا درجه سینده یۇلباشچیلیغینی دۇوام اتدیرمه ک اۆچین ایقدیصادی و حاربی تایدان باسیش سیاساتینی آرتدیرماق بیلن دۇوام اتدیریأر. اِمما شونگا مگنزه ش سیاساتلارینگ آغیر نتیجه لری نینگ بۇلاندیغینی تاریحدا گؤرمه ک بۇلیار.
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقایارسینگیز
آمریکانینگ دارتغینلیغا مِچِو بریجی، ایقدیصادی یا دا حاربی تایدان باسیش ادیجی سیاساتلارینی حیتای، گۆن باتارلی یورتلاری، لاتین آمریکا یورتلاری و تۆرکیه یالی ایرانا قارشی سۇنگقی گۆنلرده آرتدیرماق بیلن دۇوام اتدیریأندیگینی گؤریأریس. آمریکانینگ اتمی ایلالاشیغیندان یکه تاراپلی یاغدایدا چکیلمه گی، ایرانا قۇیلان چأکلِندیرمِه لر، هرمز بۇغازی نینگ یانگاداندان گۆن ترتیبینده اساسی اۇرون ایه له مه گی، ایکی تاراپلی یاغدایدا بریلیأن بیاناتلار مؤوجأن دارتغینلیغینگ آنیق گؤرکِزیجیسیدیر.
آمریکا ایرانا اتمی یاراغینی اؤندۆرمهزلیگی اۆچین ایزی گیدرلی یاغدایدا دویدوریش بریأر و حمله آتیار.
هاوا، اولانیلیان حالاتیندا دینگه آدامزادینگ دأل، آمریکانینگ ژاپن دا ادیشی یالی أهلی جانلی جاندارلار اۆچین حۇوپلی بۇلان یاراغلارا ایه بۇلونماغی البتده دۇغری دأل. مونونگ بیلن بیرلیکده ایسرائیل، هیندیستان، آمریکا یالی بیله کی یورتلارینگ اتمی یاراغینا ایه بۇلماغی نأحیللی بینجالیق ادیأن بۇلسا؛ ایران ینگ هم ایه بۇلماغی شۇنونگ یالی بینجالیق ادیأر. بؤلگه ده اساسان ایسرائیل ینگ اتمی یاراغینا ایه بۇلاندیغینی و اولانیان شیمیایی یاراغلارینی گؤرمأک دینگه ایرانا باسیش اتمه ک البتده دۇغری دأل.
ایران امپریالیسمی
آمریکانینگ حمله لرینه قارشی ایران ینگ بؤلگه ده یالنگیز قالاندیغینی گؤریأریس. مونونگ اساسی سبأبی ایران ینگ مذهبه اساسلانیان امپریالیست سیاساتینی آلیپ بارماغیدیر. عیراق، یمن، سوریه و لبنان یالی ۴ یورت بیزینگ گؤزهگچیلیگیمیزده دییأرکأ ایران یالنگیز قالدی.
ایران و امپریالیست یورتلار شونگا منگزهش اولغام بیلن حرکت ادیأرلر. اؤزلرینه یاقین تؤوهرِکلره مچو بریپ دگیشلی یورتلارینگ سیاساتلارینا قۇشولشیارلار.
ایران ینگ مذهبچی توتومی و آلیپ باریان امپریالیست سیاساتلاری، بؤلگه ده ایسرائیل دان حاص کؤپ بینجالیقلیق دؤره دیأر. بؤلگه ده یرله شیأن یورتلارینگ ایسرائیلا گؤنۆکمهگی نینگ اساسی سبأبی ایران ینگ آلیپ باریان امپریالیست سیاساتینا اساسلانیار. ایران بؤلگه ده ایسرائیلا نأ درجه ضلل یتیریأر؟ ضِلِل یتیریأر می؟ البتده بو مسئله گۆررۆنگ ادیلیپ بیلینر. اِمما ایران ینگ آلیپ باریان شۇل سیاساتلاری مسلمان یورتلارینداقی دورنوقسیزلیغینگ اساسی سبأپلریندن بیریدیر.
آمریکانینگ توتومی
ایران بیرنأچه تاراپدان تانقیت ادیلیپ بیلینر. اِمما ایران حاقینداقی تانقیدی بِللیکلر آمریکانینگ ایرانا قارشی آلیپ باریان سیاساتیندا و قورالماغی أحتیمال اۇپراسیادا اۇنی ماملا گؤرکِزیپ بیلمز. سبأبی آمریکا بو مسئلأ عادالاتلی چمه له شمه یأر. آمریکانینگ ایران سیاساتی اؤز بأحبیتلرینه اساسلانیار.
بیله کی تاراپدان آمریکانینگ و گۆن باتارلی بورتلار تاراپیندان باسیلیپ آلینان یورتلارینگ هیچ بیرینده دورنوقلیلیق اۆپجۆن ادیلیپ بیلمینمه دی. بؤلگه دأکی شۇل باسیپ آلیشلیقلار سبأپلی میلیونلارچا آدام اؤلدی. یرینی یوردونی ترک ادیپ باشغا یرلره گؤچمه لی بۇلدی، شۇل آغیر شرطلر ترور قورامالاری نینگ حاص آرقایین حرکت اتمه کلری اۆچین آماتلی شرط دؤرهتدی.
قورالماغی أحتیمال حاربی اۇپراسیانینگ نتیجه لری
آمریکا دارتغینلیغی مؤوجهتمهک بیلن الینی گۆیچلهندیرمه ک، ایرانا شرطلرینی قابول اتدیرمه ک ایسله یأن بۇلوپ بیلر. اۇزال بیرنأچه گِزه ک بۇلشی یالی چاقنیشیغا هم اؤورۆلیپ بیلر. بیز بو دارتغینلیغینگ آصلا چاقنیشیغا اؤورۆلمه گینی ایسله مه یأریس. اِمما سایلاودا ینگیلمه گینگ ساواشدا ینگیلمه کدن حاص آغیر گؤرۆلیأن دۆنیأمیزده چاقنیشیق أحتیماللیغی بارادا پیکیرلِنمهلیدیرس.
بیله کی یورتاردان سۇنگ ایران ینگ هم دورنوقسیزلاشدیریلماغی، سوریأ اؤورۆلمه گی یاقین گۆن دۇغارین حاص دا چیغینسیزلاشدیرار. یاقین گۆن دۇغاردا قالان سۇنگقی دورنوقلیلیق دۇلولیغینا اۇرتادان آیریلار.
یاقین گۆن دۇغار ۱-نجی جاهان اورشوندان سۇنگ بۇلشی یالی امپریالیست یورتلارینگ ایسله یشی یالی حرکت ادیأن سبیتی یاغدایینا گلدی. بو یاغدای تۆرکیأ یاراماز تأثیرینی یتیرر. آمریکانینگ ایرانا حاربی اۇپراسیا قوراماغی نینگ، سوریه مسئله سینده بۇلشی یالی یاقین گۆن دۇغاردا یکه تأک قازانانی بۇلار؛ آمریکانینگ اؤزی دأل، ایسرائیل. ایران حۇوپونا قارشی آمریکا بیلن بیرلیکده حرکت ادیأن حتی آمریکانی اؤجۆکدیریأن آیلاغ یورتلاری، ایران حۇوپی اۇرتادان آییریلاندان سۇنگ اؤزباشلارینا ارکین یاغدایدا قالیپ بیلر می؟ اگر انتأگأم یورت حؤکمۆنده قالان بۇلسالار اۇندا ایسرائیل و آمریکانینگ تأثیری آستیندا بۇلارلار.
تۆرکیه نأمه اتمهلی؟
تۆرکیه بؤلگه آرا مسئله لرینگ گلوبال آکتورلارینگ حرکت قراری بیلن چؤزۆلیپ بیلینمه جکدیگینی، شونگا منگزه ش حاربی اۇپراسیالارینگ بإلگأنی دارتغینلاشدیرجاقدیغینا، ییگرنجی و قاهار غاضابی آرتدیرجاقدیغینا، بؤلگأنی ترورینگ مرکزینه اؤوۆرجِکدیگینه گؤز یتیریأر. شۇل سبأپلی هم تۆرکیه مسئلأنینگ عادالاتلی یاغدایدا چؤزۆلمه گی اۆچین توتانیرلی توتوم آلیپ باریار. سوریه، مصر، عیراق و ایران یالی یورتلار مسئله سیندأکی سیاساتی شۇل عادالاتلی توتومینی آچیق آیدینگ گؤرکِزیأر.
تۆرکیه یاقین گۆن دۇغاردا تأزه چاقنیشیغینگ اؤنگۆنی آلماق اۆچین دیپلماسی تایدان اولی تاغاللا ادیپ بیلر. اوروپا بیله له شیگینه آغضا یورتلار، حیتای، روسیا و پارس آیلاغی یورتلاری حتی آمریکا و ایران بیلن گپله شیکلر گچیریپ مسئلأنینگ پاراحاتچیلیقلی یاغدایدا چؤزۆلمه گینه قۇشانت قۇشوپ بیلر.
تۆرکیه اۇزال برزیلیان بیلن بیرلیکده ایران بیلن قازانیلان ایلالاشیق اۆچین آماتلی شرط دؤرهتدی. روسیا بیلن گچیرن گپله شیکلرینده میلیونلارچا سوریه لی نینگ بۇسغون یاغدایا گلمه گی نینگ اؤنگۆنی آلدی. تۆرکیه آشاققی هیند قاره سیندن بالکانا، آفریقادان اۇوغانیستانا چنلی دۆنیأنینگ دؤرت بیر یانیندا حالقارا پاراحاتچیلیغا اولی قۇلداو بریأر. گلوبال مسئله لرده توتان یرلی توتوم آلیپ باریان شۇل بیر واغتدا هم اسلام حیذماتداشلیق قوراماسی نینگ دؤوۆرله یینگ یۇلباشچیسی حؤکمۆنده تۆرکیه، آمریکا بیلن ایران ینگ آراسینداقی دارتغینلیاغینگ ساواشا اؤورۆلمه زلیگی اۆچین اولی تاغاللا اتمه لی.
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقادینگیز.
