تارانت مسیحی ترورچی می؟

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

تارانت مسیحی ترورچی می؟

 

استرالیالی ترورچی برنتون تارانت ۲۰۱۹-نجی ییلینگ ۱۵-نجی مارتیندان تأزه زلانددا جومغا نامازی دۇوام ادیأرکأ متجیده قوران هۆجۆملری بیلن ۵۰ مسلمانی شهیت اتدی. اۇنلارچاسینی یارالادی. گۆن باتارداقی ترور هۆجۆملریندن سۇنگ اؤلۆم یادا قان ایزی یایلیما بریلمه دی. اِمما تارانت ینگ هۆجۆمی سوسیال مدیادان گؤنی یایلیمدان بریلدی. اینترنت مدیاسینا و تله یایلیملاردا هۆجۆم و مسلمانلارینگ سزه ور بۇلان واغشیلیغی انچمه گِزِک گؤرکِزیلدی.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

عاداتی جنایاتچی می؟ ترورچی می؟

بو سوراغ نأحیللی یرلیکسیز، شیله هۆۇجۆمدن سۇنگ نأحیللی قیناندیریجی. اِمما گۆن باتارلی سیاساتچیلارینگ و مدیانینگ تاس أهلیسی تأزه زلاندینگ تاریحی نینگ اینگ بیر پاجیغالی هۆجۆمینه ترور هۆجۆمی دییپ بیلمه دی. تروری "مِیلله‌شدیریپ؛ گۆیچ و باسیش آرقالی، قۇرقوزماق، عجیزله‌تمه‌ک یا دا وهم آرقالی سیاسی ماقصادا یتمه گینگ اصولی" حؤکمۆنده حأصیه‌تلِندیریپ بیلریس. تارانت اوزاق ییللارینگ دۇوامیندا مِیلله‌شدیریپ، گؤنی یایلیمدا آداملاری قیرماق بیلن چأکله‌نمه‌یأر. گۆن باتاردا آق یاغیزلاردان باشغالارینگ أهلیسی نینگ نأمه سبأپدن اؤلدۆریلمه‌لیدیگی بارادا ۷۴ صاحیپالایین دۆشۆندیریش هم یازیار. تارانت ترورچی دأل و ادن هۆجۆمی ترورچیلیقلی دأل بۇلسا، باشغا هیچ زات ترور هۆجۆمی بۇلماز. تارانت ینگ مۆنگلرچه ییللیق تاریحدان، اسلاما و تۆرکلره قارشی أهلی آدلاری، یرلری، واقالاری بیلمه گی و اۇلاری اولانان یاراغلارینا اؤز دیللرینده یازماغی، هۆجۆمی یکه‌لیکده دأل، ایسه م عیلمی قۇلداو بیلن ادندیگینی گؤرکِزیأن گنگ قالدیریجی ثبوت نامالاردان بیری.

ایندی گۆن باتاردا دموکراسی و آزاتلیقلار حاص دا قۇراغسیز

اوروپادا، اساسان دا ایقدیصادی دورغونلیق سبأپلی فاشیسم و نازیسم اؤرأن یایبانگلانیار. بیله کی دموکراتیک یورتلار بیلن دنگشدیریلنده راسیست پارتیالارینگ اساسان حأکیمیه تده بۇلان یرلری، اوروپا یورتلاریدیر. راسیست پارتیالارینگ گۆیجۆنینگ اؤرأن آرتماغی گۆن باتار یورتلارینداقی آزاتلیغینگ تاراپداری، پلورالیست و لیبران قاتلاقلارینگ سوسسونینگ باسیلماغینا سبأپ بۇلیار. شۇل قاتلاقلار بۇلسا باسیشی آرتیقماچ بیلن دوییارلار. یتیلن سپگیتده گۆن باتاردا تاپاووتلی یاشاییش دورموشلارینی اۇرتادان آییرماغا آبانیان حۇوپ گۆن سایین آرتیان بۇلسا، شۇل حۇوپونگ ۲-نجی جاهان اورشوندان اۇزالقیسی یالی اؤرأن اؤزلرینی هم قورشاپ آلیاندیغینی گؤریأن آز یۇلباشچی قالدی.

۵۰ مسلمانینگ شهیت ادیلمه گینده گۆن باتاردا هر بیر دینه اوییانلارینگ، دیللری گپله شیأنلر، میللتلرینگ وکیللری پاراساتلی گؤرکِزمه گؤرکِزدیلر. شۇل قاتلاقلارینگ مسلمانلار بیلن آرقالاشیاندیقلارینی بیان اتمه کلری، یاشایان یورتلارینداقی باسیش شرطلری گؤز اؤنگۆنده توتولاندا اؤرأن أهمیتلی. گۆن باتارلی سیاساتچیلار دیمان هم بۇلسالار تأزه زلاندینگ باش وزیری جاسیندا آردرن ینگ تاغاللالاری، مسئله لره گۆن باتاردا انتِک هم آدامکأرچیلیکلی قۇلایلایان لیدرلرینگ باردیغینی گؤرمه ک تایدان اؤرأن مؤهۆم. شیله اومیتسیز شرطلرده یوردونداقی مسلمانلارینگ اؤزلرینی چأره سیز و هۇواندارسیز دوییان گۆنلرینده آردن ینگ یالیق دانگیپ، مسلمانلارا دویغوداشلیق بیلدیرمه گی حاص قیمماتلی. برن بیاناتی هم آق یاغیز راسیست ترورچیلارا جۇغاپ یالی: "بو یورتدا دۇغولماندیغینا قارامازدان شو یرده یاشاماغی سایلان آلانلارینگ أهلیسی بیزدن. بو الهِنچ قیرغینچیلیغی ادنلر بۇلسا بیزدن دأل" آردن ینگ اؤزۆنی "منینگ ادیپ بیلجک زادیم بارمی" دییپ سۇران ترامپا برن جۇغابی بۇلسا ساپاق حأصیه‌تینده: "مسلمان حالقلارینگ أهلیسینه مأهیرلی و ایچگین بۇل".

مسیحی (هریستیان) تروری می؟

گۆن باتاردا سیاساتچیلار و مدیا، جنایاتچیسی مسلمان بۇلان واقالاری اسلامی جهادچی، شریغاتچی صیپاتلار بیلن حأصیه تلندیرمأگه هؤوِسلی بۇلسالار، تارانت ینگ قیرغینچیلیقلارینا "مسیحی تروریسمی" دییلیأن بیاناتا قابات گلمه دیم. ایسه م، تارانت جارناماسیندا آق یاغیزلاردان داشغاری گۆن باتاردا یاشایان هممه لری اؤلدۆرمأگه چاغیریار. هۆجۆمینده و جارناماسیندا هریستیانلیغا انچمه سالغیلانما بار. بو هۆجۆمی بیر دین بیلن باغلاندیرمالی بۇلسا، اۇندا مسیحیت بیلن باغلانشدیرماق اۆچین سبأپلر آرتیقماچی بیلن بار. بلکم، هریستیانلیغی قیرا قۇیوپ خاچ پاراز ذهنلری تایدان سلجرمه ک حاص یرلیکلی بۇلوپ بیلر.

بولارا قارامازدان مسئلأ گۆن باتار یالی چِمِه‌لِشمه‌لی دأل. چۆنکی گۆن باتار بیزینگ موغاللیمیمیز دأل. اۇلارینگ کأبیر پاجیغالی آکسیالاری اسلام بیلن باغلانشدیرماغا سینانشماقلارینا نأحیللی قارشی دوریان بۇلساق، بو هۆجۆمی مسیحی تروری حؤکمۆنده حأصیه‌تلِندیرمه لی دأل. چۆنکی ترور نأمه اۆچین اتدیریلیأن بۇلسا بۇلسون، ترورچیلار بیلن، آدینا ترور ادیأن دینلری نینگ، ایدئولوژیلری نینگ و قیمماتلیقلارینگ آراسینا تاپاووت قۇیمازلیق، اساسان دا ترورچیلارینگ بأحبیتلرینه قوللوق ادر. هامانا اسلامینگ آدیندان ادیلن آکسیالاردان مسلمانلارینگ، هریستیانلارینگ آدیندان ادیلن تروردان مسیحیلرینگ گۆنأکأرله نیأن دۆنیأسینده پاراحاتچیلیقدیر آسودالیغی اۇرناشدیرماق مۆمکین بۇلماز.

تارانت ینگ قوران هۆجۆمی بیلن ۱۱-نجی سنتیابری و ۱۵-نجی ایولی قوران ذهنلر شۇل بیر ذهنیتده دیر. اۆچۆسی هم بی گۆنأ آداملارا قارشی، قادادان، دۆزگۆندن، قیمماتلیقدان، عادالاتدان ماحروم باغش ادیلنمه روحی نینگ آدامی نیره لره گتیریلیپ بیلجکدیگینی گؤرکِزیأر. تارانت ینگ بی گۆنأ آداملارا قارشی یاراغ بیلن بن لادن ینگ ۱۱-نجی سنتیابردا اوچار بیلن، فتؤنینگ ۱۵-نجی ایول دا اف- ۱۶ حاربی اوچارلاری بیلن قوران هۆجۆملری شۇل بیر دۆشۆنجأنینگ بیانی.

نأمه اتمه‌لی؟

تارانت ینگ واغتی جنایاتی سۇویق قانلیلیق بیلن و بۆتین دۆنیأ گؤنی یایلیم آرقالی قوراماغینا شکسیز گۆن باتارداقی شرطلرینگ "مدیانینگ و کأبیر سیاساتچیلارینگ قاراییشی نینگ، راسیست، آشاچی و ییگرنچ دویغولارینی گۆیچلندیریجی چیقیشلاری نینگ تأثیری بار. بو واقادا گۆن باتاردا یایبانگلانیان اسلام دوشمانچیلیغی نینگ یۆزه چیقاریلان أردۇغان ییگرنجی نینگ یتجک سپگیدی نینگ بیله کی حیلی.

تارانت، بن لادن و فتؤ یالی ترورچیلار ادنلرینی نأحیللی قادالاشدیرماق ایسله سه لر ده شۇل بیر ذهنیته ایه بۇلان آداملار بۇلسا بیله لیکده گؤره‌شمه لی.

بۆتین دۆنیأده انسانلیق ماشغالاسی ترور هۆجۆملرینه قارشی، سبأپلرینه قارامازدان بیله لیکده قارشی دورمالی. دۆنیأ ایندی گلوبال بیر اۇبا. هر دیلدن، دیندن، پیکیردن آداملار هر یرده اریش- آرغاچ یاغشایار. دۆنیأمیزدن پاراحاتچیلیغی، آسودالیغی، آزاتلیقلاری اۇغورلااماق ایسله یأن آداملارا یۇل برمأیلینگ.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقادینگیز



دِگیشلی حابارلار