ملت، ذلّت و سیاسات

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

ملت، ذلّت و سیاسات

سیاسی سیستملر، ایچرسیندأکی جمغیتلر بیلن باغلانشیقلی بۇلاندا و اۇلارینگ ایسله‌گلرینی یرینه یتیریأنچا گۆیچ و دۇلانشیقدا قالارلار. سیاسی سیستملرینگ حالقینگ ایسله‌گلرینه، اؤزگِرتمه‌لره حساس بۇلماغی جمغیت اۆچین پیدالاری کؤپِه‌لده‌ر و بو پیدالاری همیشه لیک یاغدایا گتیرر.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

سیاسی سیستملرینگ گؤزیتیمیندن اسلام دۆنیأسی باشدا بۇلماق بیلن گۆن باتار داشینداقی حالقلارینگ اینگ اساسی مسئله سی میللتینگ ایسله کلری نینگ سیاساتدا یترلیک درجه ده گؤرۆلمه‌زلیگیدیر. سیاسی سیستملرینگ جمغیتلرینگ ایسله‌گلرینه أسگِرمِزچیلیگی مسئله دؤره‌دیأر. بو مسئله آحیریندا سیاسی سیستملرینگ جمغیتلر تاراپیندان غیرمشروع گؤرۆلمه‌گینه سبأپ بۇلیار.

گۆن باتار داشینداقی حالقلارینگ ایکینجی اینگ اساسی مسئله سی، سیاسی سیستملرینگ اؤز ایچینده مشروع اؤزگِرتمه لره روغصات برمِزلیگی، شول سبأپلی سیاسی گۆیچلرینگ ده اۆیتگِه‌مِزلیگیدیر. سیاسی گۆیچلر حالقلاری تاراپیندان مشروع گؤرۆنسه، گۆیچدأکی دۇلانشیغینگ اؤزگِردیلمه گی اۆچین ایسله گلر أهمیتلی بۇلمان بیلر. شو گۆن حالقلارینگ مشروع گؤرِن بیرنأچه پاتشالیغی میثال اۆچین آیدیلیپ بیلینر. اِمما بولار اؤرأن آزدیر. بو میثاللار دا تۇپلومینگ سیاسی گۆیچلردأکیلردن حۇشاللیق درجه سینی اؤلچۆپ بیلجک قۇوی بیر متد دألدیر. شو سبأپلی شو گۆنکی دۆنیأده دموکراسی، جمغیت تاراپیندان مشروعیت و حالانماق اؤلچۆلیپ بیلینجک اینگ دۇغری سیستم یالی گؤرۆنیپ بیلر.

میللِتسیز دۇلانشیقلار

بو ایکی یاغدایی بیله لیکده الینده توتیان سیاسی سیستملر اینگ قۇوی سیستملر حؤکمۆنده گؤرۆلیأرقا، هر ایکی یاغدایی دا هؤدۆرله‌مه‌یأن سیستملر ده اینگ اربت سیستملردیر. شۇل سیستملر بیر یاندان حالقینگ ایسله‌گلرینه قولاقلارینی یاپیار، بیله کی یاندان دا بو سیاسی سیستم، گۆیجۆنگ اؤزگِردیلیشینه روغصات برمأنی اۆچین اۇلارینگ نتیجه سی حالقلارا آغیر بۇلیار. هم حالقلاری تاراپیندان مشروع گؤرۆلمه‌دیک، هم ده سیاسی گۆیجۆنگ اۆیتگه‌مه‌گینه روغصات برمه یأن سیاسی سیستملری باشدا اۇرتا گۆن دۇغار بۇلماق بیلن، کؤپ سانلی یورتلاردا گؤرمه‌ک مۆمکین. میللتینه دایانیپ بیلمه یأن، آرقالاریندا گۆیچلی بیر میللی اؤزایغتیاری بۇلمادیق سیاسی گۆیچلر، بو بۇشلیغی ایچرکی و داشارقی بیله کی گۆیچ مرکزلری بیلن پایلاشماغا مجبور بۇلارلار. ایچردأکی و داشارداقی آنتی دموکراتیک گۆیچلر بۇلسا، اؤز پیدالارینا گؤرأ بو یاغدایینگ همیشه لیک بۇلماغی اۆچین الیندن گلن ایشی ادرلر. اۇرتا گۆن دۇغارداقی یالی کؤپ سانلی یورتدا، دموکراسیلارینگ دأل، دیکتاتورلارینگ قالماغی اۆچین تاغاللا ادیلمه گی نینگ سبأپلریندن بیری ده شودور. سیاسی گۆیچلر مشروع یۇللار بیلن اۆیتگِمه‌گینه روغصات برمأنی اۆچین، حالقینگ اۆستۆنه باسیشلاری گۆن سایین یۇقارلار و اؤز گۆیجۆنی گۆن سایین ییتیرمأگه باشلار، ایچرده آرقاسینی قشونا برر و داشاردا بۇلسا گلوبال امپریالیست یورتلارینگ قۇلداوی بیلن آیاقدا قالیپ بیلن گۆیچلره اؤورۆلر.

تۆرکیأنینگ وصایتلی حؤکۆمتلر تجریبه‌لری

یاقین دؤوۆرده بیر سیاسی سیستمینگ اؤزگِردیلمه گی تایدان تۆرکیأنینگ تجریبه سی، یۇقاردا آیدیلماق ایسله نینگ قۇویراق آنگ ادیلمه گینه قۇشانت قۇشوپ بیلر. تۆرکیه اؤتن ییل گچیریلن رفراندوم بیلن پارلمان دۇلانشیغیندان باش توتانلیق سیستمینه گچن بیر یورت. پارلمانتار سیستمینگ قۇوی میثاللاری دۆنیأده حؤکمأنی یاغدایدا باردیر. اِمما تۆرکیه ده پارلمانتار سیستم میللتینگ ایسله گلرینی دۇلانشیغا یتیرن دأل، ایچرکی و داشارقی وصایت مرکزلری نینگ ایسله گلرینه قولاق آسیان بیر سیستمه اؤورۆلدی. قیسغا واغتلی، ائتلافا مجبور بۇلان سیاسی گۆیچلر، ایچرکی و داشارقی وصایت مرکزلرینه قارشی دیره‌نیپ بیلمأن، میللتدن آلان ایغتیارینی و وکیلچیلیگینی شۇل گۆیچلر بیلن پایلاشماغا مجبور بۇلدی. یوردونگ داشیندان قۇلداولار بیلن هر ۱۰ ییلدا بیر گِزِک بۇلان عسگری آغدارلیشیقلار یا دا آغدارلیشیغا سینانشیقلار، قاضیه ت و بروکراتیک اولیگارشی بو آنتی دموکراتیک یاغدایینگ قینانچ برن یانلاریدیر.

تۆرکیه گچیرن سیاسی سیستم اؤزگِردیلیشی بیلن موندان بیلأک ایچرکی و داشارقی وصایت مرکزلری اۆچین اؤرأن قین و اؤز میللتی اۆچین راحات دۇلاندیریلان بیر یوردا اؤورۆلدی. باش توتانلیق سیستمینده دؤولت یۇلباشچیلاری دینگه ۲ گِزِک سایلانیپ بیلیأر. شیله لیک بیلن تۆرکیأنینگ سیاسی سیستمی، حالقینگ ایسله گینه اۆنسلبی و سیاسی گۆیجۆنگ اؤزگِردیلیشینه روغصات برین بیر سیستمه اؤورۆلندیر. تأزه سیستمده تۆرکیه ده سیاساتینگ آغاسی میللتدیر دییپ بیلریس.

سیاسی گۆیچلرینگ، دؤولت/ حؤکۆمت باشلیقلاری نینگ چأکسیز دأل، بِللی بیر واغت اۆچین سایلانماغی اؤرأن أهمیتلیدیر. هیچ بیر مسئلأنینگ یکه تأک سبأبی یۇقدیر. اِمما باشدا اۇرتا گۆن دۇغار بۇلماق بیلن، باسیشچی کؤپ سانلی یورتدا دینگه بو قادا بۇلان بۇلسا، کؤپ سانلی مسئله چؤزگۆده قۇوشوریلار. میثال اۆچین سوریه ده شیله بیر مسئله بۇلسادی، اسدینگ وظیپه سی دۇلیاردی و سوریه ده مسئلأنینگ اولی بیر بؤله‌گی چؤزگۆتله‌نِردی.

کفر بیلن قالیپ بیلینلر ظلم و باسیش بیلن همیشه‌لیک بۇلوپ بیلینمه‌ز

آفریقا، اوزاق گۆن دۇغار و ایلایتا دا اۇرتا گۆن دۇغاردا بۇلان باسیشچی رژیملر نأدرجه گۆیچلی بۇلسالار بۇلسون اوزاق واغت قالیپ بیلمِز. باشغا یورتلاردا آداملار بیلن دؤولتینگ قاتناشیغی کؤپ یاقیندان بیلینیأر و گلوبال آراقاتناشیق و تکنولوژی دؤورۆنده حالقینگ ایسله کلرینه قولاق آسمایان هیچ بیر گۆیچ اوزاق واغت قالیپ بیلمه‌ز. شیله گۆیچلر، نأدرجه گۆیچلی ده بۇلسا، گچمیشده ده اوزاق واغت گۆیچده قالیپ بیلن دألدیر. شو گۆن مغوللاردان، صلیبیلردن قالان زات بار می؟ اینها شو سبأپلی سلچوقلی دؤلتی نینپ اولی وزیری نظام الملک مۆنگ ییل موندان اۇزال یازان کیتابی سیاستنامه ده "ملک کفر بیلن بلکی، اِمما ظلم بیلن همیشه لیک قالیپ بیلمز" دییأر.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقادینگیز


اتیکتلر: سوریه , قدرت بلبل

دِگیشلی حابارلار