یمنلی مروه

کأده باشدان گچیریلیأن قینچیلیقلاری شیله اولالدیاریس ولین... دینگه شۇل مسئله لر تایدان دورموشی اؤزۆمیز، داش- تؤوه‌رِگیمیزدأکیلر، یوردومیز اۆچین چیقغینسیزلاشدیرانیمیزی دویمان گلیأریس. شیله حالاتلاردا آزاجیق هم بۇلسا مسئله لردن داشلاشماق، یاشایان یوردمویزا داشاردان سر سالماق حاص پاراساتلی چمه له شمه گیمیزه قۇشانت قۇشیار. شۇل چأکده سیزه گۆررۆنگ برجک حکایاتیمیزی تۆرکیأنینگ آنگلادیان ماناسیندا دیققاتینگیزا یتیرمه ک ایسله یأریس.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز:

تۆرکیه باشدان عاداتدان داشاری شرطلرینه قارامازدان گۆن سایین گۆیچله‌نیأن بیلیم مرکزینه اؤورۆلیأر. منینگ طالیپلیق ییلاریمدا تۆرکیه اؤزۆنه گلجک گؤزلِنجه‌ک یورت دألدی. حاضیرکی واغتدا بۇلسا ۱۵۰ مۆنگ سانی داشاری یورتلی طالیپ تۆرکیه ده بیلیم آلیار. سانلار، بیر واغتدا آیدیلاندا آشاغینداقی دسسانچیلیقلی واقالارینگ اۆسسۆنی اؤرتیأن اؤرتگی یالی بۇلیار. ایسه م هر بیر طالیبینگ دورموشی اؤزباشداق غوصصا، هجران، دِسسان، تاغاللا، اومیت و گؤزله‌گ. تۆرکیأنینگ شۇل یاشلار اۆچین نأحیللی هیجانینگ، اومیدینگ بیانیدیغینی گؤرکِزمه گی تایدان سیزه باشدان گچیرنلرینی گۆررۆنگ برمه ک ایسله یأن یمنلی مروه آتلی طالیپ شولاردان دینگه بیری.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز:

آنو یمن دیر، گۆلی چمن‌دیر...

یمن... قیزیل دنگیزه، عدن آیلاغینا، عوممان دنگیزینه کناری بۇلان، استراتژیک یرله شیشی سبأپلی تاریحینگ تاس أهلی دؤوۆرلرینه غام – غوصصا چکن یورتلاردذان بیری. بیزینگ اۆچین بۇلسا مکه و مدینه قۇرانیشی شۇل یردن باشلانی اۆچین اوغروندا اینگ کؤپ شسهیت بریلن یرلردن بیری. چاناق قالا بیلن بیله لیکده بلکم میللتیمیزینگ اینگ کؤپ آغی آیدان، یۆره‌گینی تیتره دنی ری. انته ک ۱۵ یاش قیزلاریمیزینگ یۇلوندا گؤزیاشی دؤکِن یوردی. دسسانلاریمیزینگ، آغیلاریمیزینگ، غام- غوصصالاریمیزینگ یۆره‌کلره نسیللر بۇیی یازیلماغی ایسه م بریلن شهیتلرینگ سانی بیلن باغلی بۇلسا گره ک. شۇنونگ اۆچین هم چاناق قالا هم یمن یۆره کلری باشغاچا سئزلادیار.

اومیدا یۇلاغچیلیق

مروه اینه شیله یورتدان، یمن ینگ پایتاغتی صنعا شأهِریندن. هر بیر یاش- یِتگینجِک یالی گلجگینی گؤزله یأرکأ، ۲۰۱۴-نجی ییلداقی ایچرکی چاقنیشیق سبأپلی یوردونینگ گلجگی حاص هم قارالیار. آغدارلیشیق، دینگه یاراغلارینگ سسی اشیدیلیأر، آدامکأرچیلیک یاتدان چیقیار. نه یاشلار یادا دۆشیأر، نه ده اۇلارینگ گلجگی...

۲۰۱۵-نجی ییلدا یوردوندا باشلان دارتغینلیغینگ ایچیندن گلجگه غوصصا بیلن قارایارقا مروأنینگ یۇلونی یاغتیلاجاق شؤهله گؤرۆنیأر. تۆرکیأنینگ داشاری یورتلی تۆرکلر و قارینداش جمغیتلر (YTB) تاراپیندان تۆرکیه ده اۇقاماغا حقوق قازاناندیغی حابار بریلیأر. آمریکانینگ فولبرایت، آلمانیانینگ داد، بریتانیانینگ چیونینگ بورسلاری یمن دأکی ایچرکی اورش سبأپلی بس ادیلندیگی اۆچین تۆرکیه بورسلاری بیلن تۆرکیأ گلیپ ایزا دۇلانیپ بی تاپ دۆشن یورتلارینی یانگاداندان دیکه‌لتمِه‌ک اۆچین دیس هنگ تۇلغونلایارلار.

بیر تاراپدا اومیتلار بار، اِمما بیله کی تاراپدا دورموشینگ قایغیلی حاقیقاتلاری... یورتلارینداقی ایچرکی اورش سبأپلی صنعاداقی ایلچیحانا یاپیلیار، اساسی بؤله گی جده شأهِرینه گؤچۆریلیأر. حۇوپسوزلیق سبأپلی اوچار ساپارلاری دوریار. تۆرکیأ گلمه ک اۆچین ویزا آلینمالی. اۇنونگ اۆچین بیر یکه تأک یۇل جده شأهِرینه گؤچۆریلن تۆرکیأنینگ ایلچیحاناسینا ماشین بیلن گیتمه ک. اِمما چاقنیشیان تۇپارلارینگ گؤزه‌گچیلیگیندأکی یۇللاردان سعودی عربیستانا گچمه ک بیله ینگیل دألدی. سعودی عربیستان سرحدینه باریلاندا دا جدأ بارماغی هیچ کِپیلله‌ندیریلمه یأردی. چأره سیزلیگینگ ایچینده چأره گؤزله یأن یاشلار صنعادا ییغی ییغیدان اۆیشیأرلر. تۆرکیأنینگ جده دأکی ایلچیحاناسی بیلن آراقاتناشیق قوریارلار. ویزا اۆچین پاسپورتلاری جده شأهِرینه آلیپ بارماقدان باشغا چأره قالمایار. نتیجه ده اۇغلانلاردان بیری أهلی پاسپورتلاری جده شأهِرینه آلیپ گیتمأگه میله تین (داوطلب) بۇلیار. یاشلار اولی اومیت بیلن یمن دأکی یاشلارینگ پاسپورتلارینی ییغناماغا باشلایارلار. اِمما اومیتلاری اوزاغا چکمه یأر. میله تین بۇلان ییگیت بمبالانیان شأهِرلردن گچیپ پاسپورتلاری آلیپ أکیتمه کدن قۇرقیار.

اومیتلار قوتاردی دییلن واغتی "کیم بارقا دییپ اِیلأک- بیلأک سر اتمأنی من بار" دییلن دۆشۆنجه بیلن مروه ییغنالجاق پاسپورتلاری جده شأهرینه آلیپ گیتمأگه گیله تین بۇلیار. مروأنینگ قاراری آتا انه سینی آلادالاندیریار. اِمما مروه بورس آلماغا حقوق قازانان یاشلارینگ گلجگی نینگ دینگه اؤزۆنه باغلیدیغینی بیلیأندیگی اۆچین قاراریندان ال چکمه یأر. کأبیرلری بۇلسا مروأنینگ ایشینگ عهده سیندن گلیپ بیلمه‌جکدیگی پیکری بیلن پاسپورتلارینی برمه یأرلر.

تۆرک ایلچیسی فضلی چۇرمان مروأنینگ قاراریندان دیسه نگ حۇشال بۇلیار. اِمما قاراری نینگ اؤرأن قۇرقونچدیغینی اؤورأن اؤورأن قایتالایار. بارلاغدان گچن ماحالی اۇنچا پاسپورتینگ یانیندا بۇلماغی نینگ اؤرأن حۇوپلیدیغی آیدیلیار. شۇل أحتیماللیقلار سبأپلی اۇنگا "تۆرکیه ده اۇقاماغا حقوق قازاناندیغی، بورس آلماغا حقوق قازانانلارینگ ویزا ایشی نینگ چؤزۆلمه گی اۆچین بیله کی پاسپورتلار بیلن جدأ گلیأندیگی" بارادا رسمی ناما بریپ بیلجکدیگی بیان ادیلیأر.

مروه قارینداشلاری نینگ، بیله کی لرینگ و اۇلارینگ قارینداشلاری نینگ دۇغا دیله گی بیلن یۇلا دۆشیأر. ایکی گۆنلأپ سعود عربیستان ینگ سرحدینه چنلی یۇل گچیأر. بِلکه‌م ادیلن دۇغا دیله گلر سبأپلی یۇل بۇیی هیچ حیللی چاقنیشیغا، هۆجۆمه سزه ور بۇلمایار. ایر ساغات ۱۰-آ قۇلای یمن ینگ گۆمرۆک گچلگه سینه باریار. اِمما اؤنگۆنده اوزین نۇبات بار. نۇباتدا دوران حالاتیندا اؤزۆنه گِزِک گلمه گی مۆمکین دأل. یمن لی رسمی ماقاملاردان روغصات آلیپ گۆمرۆکدن گچیأر. گِرشینده قاپچیغی، ۹۰ یاش اۇغلانینگ گلجگی بۇلان پاسپورتلاری بیلن سعودی عربیستان ینگ گۆمرۆک گچلگه سینه باریار.

"محرمی یانیندا بولمایانا"، گیرمه ک قاداغان

سعودی عربیستان ینگ گۆمرۆک گچلگه سینده بۇلسا ایشلر بیله ینگیل بۇلمایار. رسمیلر مروأ اینانمایار. اۇنگا قاهارلانیپ هیچ زات ادیپ بیلمه‌جکدیکلرینی، ارتیسی گۆن گلمه لیدیگینی ایسله یأرلر. بیر قیز چؤلۆنگ اۇرتاسیندا یکه باشینا نأمه اتمه لیدی؟ مروه یانگاداندان ایلچیحانا جانگ ادیأر. ایلچیحانا مسئلأنی دۆشۆندیرمه ک اۆچین فاکس اوغرادیار. سعودی عربیستان ینگ رسمیلری بۇلسا محرمی (أری، قاقاسی، آدالغیسی) بۇلماسا اۇنی سعودی عربیستانا قابول اتمه جکدیکلرینی آیدیارلار. مروه حج اۆچین گلمأندیگینی، سعودی عربیستان دا اۆچ گۆندن کؤپ قالماجاقدیغینی، ویزا ایشلریندن سۇنگ قیسساغلی ایزینا دۇلانجاقدیغینی دۆشۆندیریأر. راضی بۇلماسالار هم محرم حؤکمۆنده رسمی کاغیذا آدینی یازیپ ۹ ساغات دۇوام ادن گؤره شینگ نتیجه سینده مرأنینگ گچمه گینه روغصات بریأرلر.

ایلچیحانانینگ ایشگأرلر مروأنی باغتیارلیق و شاتلیق بیلن قارشیلایار. اۆچ گۆنۆنگ دۇوامیندا آرمان- یادامان ویزا ایشلرینی چؤزیأرلر.

اِمما مروه اۆچین قینچیلیق قوتارمایار. ایزا دۇلانماق گیدشیی یالی قینچیلیقلی. ایزا دۇلانیارقا اتوبوسلاری بمبالانماقدان بیرنأچه داقیقا بیلن حالاص بۇلیار.اتوبوس چؤلۆنگ ایچیندن آرا یۇللاردان گچیپ صنعا گلیپ یتیأر.

مروه حأضیرکی واغتدا ییلدیریم بیازیت بیلیم یوردوندا طالیبیمیز. بیله کی طالیپلار هم یورتلارینا قۇشانت قۇشماق اۆچین تۆرکیه ده اۆستۆنلیک بیلن اۇقایارلار.شو باشدان گچیرمأنی اؤزلری أهلی تانقیدی، حتی کِمسیتمأنی ادیأندیگینه قارامازدان ادپسیزلیگی بیلن حاص آغیرراقلارینا دا لاییق بۇلاندیغینا سر اتمزدن کیچی تانقیدی بِللیگه چیقمادان هیچ یره گیتمه یأن هم بۇلسالار "ایندی بو یورتدا یاشاپ بۇلماز، من گیدیأن" دییأنلره باغیشلایارین.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایاردینگیز.