تۆرکیأنینگ و دۆنیأنینگ گۆن ترتیبی ۵۰: پاریسینگ اۇرتاسیندا توران تۇزان
فرانسیادا ایلایتادا پاریسدا نأمه بۇلدی و نأمه اۆچین حالق کؤچه لره چیقدی
سیاسات، ایقدیصادیهت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:
قۇلایدا فرانسیانینگ باشدا دورماغیندا هلند و بلژیک ده کؤچه دارتغینلیقلاری و اعتراضلار بۇلوپ گچدی. هلند و بلژیک دأکی "ساری ینگسیزلیلرینگ" آکسیالاری حاص چأکلی بۇلان هم بۇلسا، فرانسیادا اعتراضلارینگ گؤورۆمی دیسهنگ اولودی. فرانسوز حۇوپسوزلیق گۆیچلری نینگ ۱۷۰۰ معترضی ساقلاماغی و آشا گۆیچ اولانماغی فرانسیانینگ گۆن ترتیبینده اولی سِسلِنمه دؤرهتدی. شیله ده فرانسیاداقی دمونستراتلارینگ (معترضلرینگ) آنگیرسیندا پ. ک. ک بیلن باغلانشیقلی تۇپارلارینگ و بیله کی تۇپارلارینگ ونداللیق و واغشیچیلیق اتمه گی اۆنسی چکدی. فرانسیانینگ جمهورباشلیغی امانوئل ماکرون حالقا یۆزلهنیپ ادن چیقیشی بیلن فرانسیاداقی دارتغینلیغی قۇوشاتماغی ماقصات ادیندی.
فرانسیاداقی ساری ینگسیزلیلرینگ آکسیالارینا قارشی فرانسوز پلیسی آشاگۆیچ اولاندی. بورچ گازیندان و گؤز یاشاردیجی گازدان گینگدن پیدالانان فرانسوز حۇوپسوزلیق گۆیچلری، فرانسیانینگ کؤچه لری نینگ اورش میدانینا اؤورۆلمهگینه سبأپ بۇلوپدی. فرانسوز پلیسی نینگ معترضلره قارشی گۆیچ اولانماغی سبأپلی کؤپ آدام یارالاندی. شیله ده معترضلر ساقلانیارقا رایات اگین اشیکلی پلیس قوللوقچیلاری نینگ ساقلانانلاری اوراندیغی گؤرۆلدی. فرانسوز پلیسی نینگ کأبیر معترضلری گؤنۆدن نیشانا آلیپ، پلاستیک گۆللـه آتماغی و معترضلره قارشی فرانسوز حاربی قشونلاری نینگ سۇوت اولاغلاری نینگ پیدالانیلماغی دنگ آغرامسیز گۆیجۆنگ اساسی گؤرکِزیجیسی بۇلدی.
فرانسیاداقی اعتراضلاردا حۇوپسوزلیق گۆیلچری نینگ دنگ آغرامسیز گۆیچ اولانماغی آدام حقوقلارینا و دموکراسیا باپ گلمه یأندیگینه قارامازدان و اساسان دا اوروپانینگ مطبوغات ارگانلاری فرانسیاداقی واقالارینگ دۇوامیندا اولانیلان دنگ آغرامسیز گۆیچ بارادا دیل یارمادی. دۆنیأنینگ باشغا یرلریندأکی معترضلره قارشی ادیلیأن پلیس باسیشینی یازغارماقدا و دۆنیأ جمغیتچیلیگی نینگ اۆنسۆنه یتیرمهکده اؤنگه سایلانیان کؤپ سانلی مدیا ارگانی نینگ فرانسیانی گؤرمِهدیکسیرهمهگیاۆنسلری چکدی.
بیله کی تاراپدان بۇلسا ساری ینگسیزلیلرینگ قوران اعتراضلاری نینگ دۇلولیغینا پاراحاتچیلیقلی حأصیهتده گچندیگینی آیتماق یرلیکلی دأل. معترضلرینگ آراسیندا ونداللیق ادن (ییقیپ دؤوهِن) کؤپ سانلی رایات و تۇپارلار هم باردی. کؤچهدأکی اولاغلارینگ و زیر زیبیللرینگ یاقیلماغی، پلیسا قارشی گۆیچ اولانماق، دۆکأنلرینگ سۇیولماغی و یۇلداقی داشلارینگ سؤکۆلمهگی یالی کؤپ سانلی دۆزگۆنسیزچیلیک ادیلدی. فرانسیادا واقالاردا ادیلن ونداللیغینگ دۇوامیندا دیوارلارا یازیلان یازغیلار و کأبیر سۇسیال مدیا یۆزلنمهلری آرقالی پ. ک. ک بیلن بیله لیکده حرکت ادیأن کأبیر قورامالارینگ هم معترضلرینگ سانینا قۇشولاندیغی گؤرۆلدی.
اساسان دا پ. ک. ک بیلن بیله لیکده سوریه ده ساواشان کأبیر رادیکال چپچی تۇپارلارینگ بۇلماغی سبأپلی فرانسیانینگ حؤکۆمتی نینگ گؤرجهک چأره سی اۆنس چکیجی. شۇل چأکده فرانسوز تلویزیونیندا "ساری ینگسیزلیلرینگ" آدیندان چیقیش ادن آدامینگ اعتراضلارداقی باسیش سبأپلی "رادیکال کۆرتلر بیلن باغلانشیقلی تۇپارلاری" گۆنأکأرلهمهگی مؤهۆم.
بیله کی بیر مسئله بۇلسا فرانسیانینگ حؤکۆمتی نینگ پاریس داقی واقالار سبأپلی "داشارقی گۆیچلری" گۆنأکأر گؤرکِزمهگی. گچیریلن اعتراضلارا مِچِو برمهکده روسیا بیلن آمریکانینگ گۆنأکأرلهنمهگی اۆنسلری چکیأر.
فرانسیاداقی آکسیالاردا ادیلن ونداللیقدان و پلیسینگ آشا گۆیچ اولانماغیندان سۇنگ فرانسیانینگ جمهورباشلیغی امانوئل مکرون حالقا یۆزلهنیپ چیقیش اتدی و بیرنأچه وعده بریپ، فرانسیاداقی دارتغینلیغی کؤشهشدیرمأگه سینانشدی. بارلاغلارا گؤرأ قۇلداوینینگ موقداری ۲۶ گؤتریمه چنلی آشاقلان مکرون چیقیشیندا اینپ پس آیلیغی ۱۰۰ یورو یۇقارلاتماغی، ۲۰۰۰ یورودان آز آیلیقلارینگ کأبیر سالغیتلاردان و تؤلهگلردن بۇشاتماغی وعده بردی. کأبیر سؤزلری بیلن کأبیر آداملارینگ گؤونۆنه دِگِندیگینی آیدان مکرون، حالقا یۆزله نیپ ادن چیقیشی بیلن فرانسیاداقی معترضلره جۇغاپ برمأگه سینانشدی.
سیاسات، ایقدیصادیهت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.