دۆنیأ ینه ده سوریه حالقیندان یۆزۆنی اؤوۆردی

اگر دۆنیأ بۇسغونلار مسئله سینی کنترل اتمه ک ایسله یأن بولسا و داعش ترورچیلیغی نینگ یایبانگلاشماغینا پأسگل برمه ک ایسله یأندیگینده توتان یرلی بۇلسا سوریه حالقی اۆچین حۇوپسوز (امن) یرلر دؤره تمه ک و سوریه دأکی ساواشی دوروزماق اۆچین موندان کؤپرأک تاغاللا اتمه لیدیر.

بیرلشن میللتلر قوراماسی نینگ کنترلیندا و بیرلشن میللتلر قوراماسی نینگ 2254-نجی بِللیگی نینگ تاسلاماسینا گؤرأ ژنوده باشلان ماصلاحاتلارینگ دۆیبی دۇغری بۇلمادیق بیر باشلانغیچ اتدی و شو واغت دا دوشوشیقلار قینانچ بریأن بیر یاغدایدا نتیجه سیز قالدی.

حالقارا جمغیتچیلیک ینه بیر گِزه ک سوریأنینگ حالقینی سوریأنینگ باش توتانی بشار اسدینگ اؤلۆم ماشینینا و اۇنونگ قۇلداوچیلارینا ترک اتدی.

4-نجی فورال دا بیرلشن میللتلر قوراماسی نینگ سوریه باراسینداقی یؤریته وکیلی استفان میستورا دوشوشیقلارینگ 25-نجی فورالا چنلی ایزا سۆیشۆرلِندیگینی آیتدی.

میستورانینگ سؤزلری دوشوشیقلارا کیمینگ قاتناشجاقدیغی و بیرلشن میللتلر قوراماسی نینگ 2254-نجی بِللیگی نینگ نأحیللی یۇلا قۇیولجاغی باراسینداقی گۆررۆنگلردن سۇنگرا آیدیلدی.

روسیا و رژیم گۆیچلرینینگ ایزلی ایزینا بمباردیمانلاری ژنودأکی دوشوشیقلارینگ گچیریلیأن ماحالیندا دا دۇوام اتدی و دوشوشیقلارینگ باشیندا بو اینگ سادا شرط یرینه یتیریلمه دی.
قالین برن بیاناتیندا ۲۰۱۵-نجی ییلینگ ۲۴-نجی نۇیابریندا تۆرک هۇوا گینگیشلیگینی بۇزان روس حاربی اوچاری نینگ حاربی دۆزگۆنلره گؤرأ اورلوپ دۆشۆریلمه گیندن سۇنگ باشدان گچیریلنلرینگ روسیا فدراسیونی نینگ مسئلأنی دیپلماتیک یۇللاردان چؤزمه گینگ یرینه دارتغینلیغی مؤوجِتمه استراتژیسینی دورموشا گچیریأندیگینی گؤرکِزیأندیگینی آیتدی.

قالین اِمما مونگا قارامازدان تۆرکیأنینگ گپله شیکلر و دیالوگ آرقالی چؤزۆلمه گی اۆچین تاغلاللا ادِندیگینی نیغتادی.

روس تاراپی نینگ جۇغابی نینگ "یالان پروپاگاندا و اساسسیز گۆنأکأرله مه لر" بۇلاندیغینی آیدان قالین، شۇل چمه له شمأنینگ بیر دؤولته گلیشمه یأندیگینی بیان اتدی.

پوتین ینگ ناتو و حیذماتداشلارینا تلفن ادیپ، تۆرکیه تاراپیندان تلفن ادیلمأندیگینی آیتماغی نینگ دۆشنۆکسیزدیگینی نیغتان ابراهیم قالین "هم تلفن ادیلمه دی دییپ نأراضیلیق گؤرکِزمه ک، هم ده تلفن ادیلِنده تلفنلارا جۇغاپ برمِزلیک دۆشۆنمه سی قین یاغدای.بیز بو مسئله بۇیونچا یاغیش نیتیمیزی و اۇنونگ چمه له شمأمیزی دۇوام اتدیریأریس" دیدی.

بیله کی تاراپدان بیرلشن میللتلر قوراماسی نینگ ژنودأکی گپله شیکلری نینگ قینچیلیقلی باشلاندیغینی و دۆین ۲۵-نجی فورالا سۆیشۆریلِندیگینی یاتلادان قالین، اۇنونگ اساسی سبأبی نینگ ۳۰-نجی سنتیابردان بأری دۇوام ادیأن روس هۇوا هۆجۆملری بیلن قۇلدانیان اۇپراسیالاردیغینا (عملیاتلاردیغینا) اۆنسی چکدی.

روسیانینگ سوریه دأکی هۆجۆملری نینگ ۹۰ گؤتریمی نینگ آسودا آلیاتی و پاراساتلی اپوزیسیونرلری نیشانا آلیاندیغینی یاتلادان قالین، "شۇل هۆجۆمنلر ژنودأکی گپله شیکلرینگ اساسینی عمله گتیریأن بیرلشن میللتلر قوراماسی نینگ ۲۲۵۴ بِللیگی تاسلاماسی نینگ دۆزگۆنلرینه باپ گِلمه یأر و نتیجه ده گپله شیکلرینگ چیققینسیزلاشماغینا سبأپ بۇلدی. روسیا تۆرکیه بارادا اساسسیز و گۆلکۆنچ جِدِللری اؤنگه سۆرمه گینگ یرینه سوریه ده اؤلدۆرِن بی گۆنأ آداملاری نینگ حاسابینی برمه لی" دیدی.

اۆستۆمیزدأکی هپده ژنودأکی گپله شیکلر دۇوام ادیأرکأ حلبه قورالان هۆجۆملر سبأپلی اۇنلارچا آدامینگ اؤله ندیگی، مۆنگلرچه آدامینگ تۆرکیأ سیغینماق اۆچین یۇلا دۆشِندیگینی آیدان قالین، سوریه ده داعش بیلن گؤره شیأندیگینی آیدیانلار آصلینا سر ادیلِنده قیمماتی باهاسی نأمه بۇلسا بۇلسون حؤکۆمِتی قۇراماغا چالیشیاندیغینی آیتدی.

قالین شۇل ساواشینگ نتیجه سی نینگ هممه لره مألیمدیگینی، بیر تاراپدا داعش ترورچیلیغی نینگ و سوریأنینگ حؤکۆمِتی نینگ دؤولت تروری نینگ، بیله کی تاراپدا بۇلسا بۇسغونلار مسئله سی نینگ اؤرأن آغیرلاشیاندیغینی بِللأپ گچدی.