حالقارا تۆرکوُلوژی کنگره‌سی باشلادی

ایستامبول دا حالقارا تۆرکوُلوُژی کنگره سی نینگ 10-نجیسی باشلادی.

ایستامبول بیلیم یوردونینگ تۆرکیأت بارلاغلاری انستیتوسی قورلوشیغی نینگ 100-نجی ییلیندا "10-نجی میللت‌آرا تۆرکولوژی کنگره‌سینی" گچیریأر.

کنگرأنینگ شو ییلقی ماضمونی "کؤکلی میراثی بیلن گلجک گؤزیتیمینی دوشوشدیرماق".

آچیلیش داباراسیندا چیقیش ادن ایستامبول بیلیم یوردونینگ باشلیغی پروفسور دکتر عثمان بۆلنت ذوالفقار تۆرکیأت بارلاغلاری انستیتوسی نینگ تۆرکیأنینگ بیر بیلیم یوردونا باغلی ایلکینجی و اینگ قادیمی بارلاغ قوراماسی بوُلاندیغینی و 1924-نجی ییلینگ 12-نجی نوُیابریندا آچیلاندیغینی آتدی.

ذوالفقار بو انستیتونینگ فوأد کؤپرۆلی نینگ تاغاللاسی بیلن آچیلاندیغینی یاتلاتدی و اولی ایشلر باشاریلاندیغینا اۆنس چکدی.

تۆرک عالیم، میللت آرا تۆرکولوژی کنگره سی نینگ 1973-نجی ییلدان بأری قورولیاندیغینی یاتلاتدی.

حالقارا تۆرکیأت کنگره سینه 7 یورتدان 120 عالیم ماقالا بیلن قاتناشیار.