تۆرکیه اؤتن ییل داشاری یورتلارا 35 میلیارد دلار اتومبیل و یدک پارچا ساتدی

تۆرکیه اؤتن ییل اتوموتیو پوداغیندا داشاری یورتلارا 35 میلیارد دلار اؤنۆم ساتدی.

تۆرکیه بو پوداقدا 9 اۆلکأ 1 میلیارد دلاردان کؤپ اتومبیل اؤنۆمینی ساتدی.

بو یورتلارینگ آراسیندا آلمانیا، فرانسیا و بریتانیا بار.

اؤتن ییل داشاساتووینگ اینگ کؤپ اؤنۆمینی اؤزۆنه دگیشلی ادن اتوموتیو پوداغی تۆرکیأنینگ داشاساتووی نینگ 15.8 گؤتریمینی اؤزۆنه دگیشلی اتدی.

2022-نجی ییلدا تۆرکیأنینگ اتومبیل، اولاغ و یدک پارچا داشاساتووی 30 میلیارد 995 میلیون 808 مۆنگ دلار بوُلوپدی.

شوُل موقدار 2023-نجی ییلدا 13 گؤتریم یوُقارلادی و 35 میلیارد 4 میلیون 230 مۆنگ دلارا یتدی.

آلمانیا تۆرکیه دن 2023-نجی ییلدا 4 میلیارد 854 میلیون 81 مۆنگ دلار مؤچبرینده اتومبیل و یدک پارچا ساتین آلدی.

تۆرکیأنینگ بو پوداقدا آلمانیا ادن داشاساتووی 10.8 گؤتریم یوُقارلادی.

تۆرکیأنینگ فرانسیا اتوموتیو داشاساتووی دا 32.5 گؤتریم یوُقارلاپ 4 میلیارد 307 میلیون 717 مۆنگ دلارا یتدی.

بریتانیانینگ تۆرکیه دن اتوموتیو اؤنۆمی ده 0.8 گؤتریم یوُقارلادی و 3 میلیارد 295 میلیون 479 مۆنگ دلارا یتدی.

تۆرکیأنینگ ایتالیا ادن اتوموتیو ساتووی دا 21.5 گؤتِریم یوُقارلاپ 3 میلیارد 138 میلیون 171 مۆنگ دلار بیلن بارابار بوُلدی.

اسپانیا دا تۆرکیه دن 2 میلیارد 439 میلیون 507 مۆنگ دلار اؤنۆم ساتین آلدی.

لهستان، بلژیک و آمریکا دا تۆرکیه دن 1 میلیارد دلاردان کؤپ اتومبیل و یدک پارچا ساتین آلان یورتلارینگ ساناویندا.