ت. ر. ت ورلد قبرس بارادا مستند فیلمینی طایارلادی

سوُنگقی دؤوۆرده اۆستۆنلیکلی ایشلر آلیپ باران تۆرکیأنینگ حالقارا حابار کانالی ت. ر. ت ورلد تأزه بیر فیلم طایارلادی.

دمیرقازیق قبرس تۆرک جمهوریتی نینگ قورولماغی نینگ 40-نجی ییللیغی اۆچین 6 بؤله‌ک‌لی The Forfront Cyprus آدلی مستند فیلم طایارلاندی.

بو فیلم دمیرقازیق قبرس تۆرک حالقی نینگ یاشاییشی و قاراشسیزلیغینی آنگلادیار.

تۆرکچه آدی "باغیمسیزلیق یوُلی قبرس" بوُلان بو فیلم شوُل بیر واغتدا قبرس پاراحاتچیلیق حرکتی نینگ 50-نجی ییلیغیندا طایارلاندی.

بو فیلم دمیرقازیق قبرس تۆرک جمهوریتی، تۆرکیه، انگلستان، یونان، فرانسیا، اسپانیا و گۆن اوُرتا قبرس روم دوُلانشیغیندا چکیلدی.

ارن کؤی دا باشلان قبرس دیره‌نیشی حاقیندا دا بو فیلمده تأزه ماغلوماتلار بار.

ت. ر. ت ورلد توُپاری بیرلشن میللتلر قوراماسی نینگ آرا زوُلاغیندا دا رپرتاژ آلدی.

مستندده سیاساتچیلار، اوُزالقی دؤولت یوُلباشچیلاری، وزیرلر، دیپلماتلار، بیرلشن میللتلر قوراماسی و اوروپا بیله له شیگی نینگ جوُغاپکأرلری، تاریحچیلار، مجاهدلر، غازی‌لار یالی 50 آدام رپرتاژ بردی.