یۆز ییللیق آمانات: اسیرلرینگ حاطلاری سرگیسی آچیلدی

100 ییل موندان اوُزال ساواشدا اسیر بوُلان تۆرک عسگرلری نینگ یازان حاطلاری نینگ سرگیسی آچیلدی.

آراقاتناشیق اداراسی نینگ قوُلداوی بیلن قیزیل آی قوراماسی تاراپیندان آچیلان بو سرگیده 100 ییل موندان اوُزال اسیرلر تاراپیندان یازیلان حاطلار سِرگیله نیأر.

"یۆز ییللیق آمانات- قیزیل آی اسیر حاطلاری سرگیسی" نینگ آچیلیش داباراسینا تۆرکیأنینگ جمهورباشلیغی نینگ عایالی امینه أردوُغان، آراقاتناشیق اداراسی نینگ باشلیغی فخرالدین آلتون، قیزیل آی قوراماسی نینگ باشلیغی فاطما مریچ ییلماز و ت. ر. ت نینگ باشلیغی محمد زاهد سوُباجی قاتناشدی.

سرگیده 100 ییل موندان اوزال بیرینجی جاهان اورشیندا اسیر بوُلان تۆرک عسگرلرینگ یازان حاطلاری بار.

سرگی نینگ آچیلیش داباراسیندا اسیر عسگرلرینگ یازان حاطلاری نینگ بیرنأچه سی ماشغالالاریندان قالانلارینا هؤدۆرلِه‌ندی.

تۆرکیأنینگ جمهورباشلیقلیغی نینگ میللت کیتاپحاناسیندا آچیلان سرگی 7-نجی دکابرا چنلی اؤز ایشینه دوُوام ادر.