فخرالدین آلتون گۆن باتارینگ قوُشااستانداردینی تانقیت اتدی

تۆرکیأنینگ جمهورباشلیقلیغی نینگ آراقاتناشیق اداراسی نینگ باشلیغی فخرالدین آلتون تۆرکیأنینگ اؤز بأحبیتینی قوُرایان، یورتداشینا ادیلن باسیشلارینگ حاسابینی سوُرایان اولی بیر دؤولت بوُلاندیغینی آیتدی.

آلمانیادا ایکی تۆرک ژورنالیستینگ گؤز توسساغلیغینا آلینماغی بارادا ت. ر. ت ورلد تلویزیونی نینگ واشنگتن ژورنالیستی تاراپیندان آمریکانینگ داشاری ایشلر وزیری نینگ مطبوغات گنگه شچیسی نینگ اوُرونباساری ودانت پاتل-ه سوُراغ سوُرادی.

آمریکالی ماقام سوُراغا جوُغاپ بردمه دی.

آراقاتناشیق اداراسی نینگ باشلیغی فخرالدین آلتون بو واقا برک قارشیلیق گؤرکِزدی.

توئیتر حاسابیندان تۆرک ژورنالیستلارا ادیلن باسیشلارا اۆنس چکن فخرالدین آلتون:

"جمهورباشلیغیمیز رجب طیب أردوُغان ینگ گۆیچلی یوُلباشچیلیغیندا تۆرکیه ایندی اؤز بأحبیتینی قوُرایان، یورتداشینا ادیلن باسیشلارینگ حاسابینی سوُرایان اولی بیر دؤولت‌دیر. مونگا اوُلار دا اؤورِنشمه‌لیدیر" دیدی.

گۆن باتارینگ قوُشااستانداردینا اۆنس چکیپ تۆرک مطبوغاتچیلارا گؤنۆکدیریلن حرکتلرینگ قابول ادیلیپ بیلینمه جکدیگینی نیغتان آلتون "آلمانیادا قانونی بیر یاغدایدا ژورنالیسم بیلن مشغول بوُلان تۆرک مطبوغاتچیلارینا گؤنۆکدیریلن حرکتلره دیمیق قالماغی آصلا قابول اتمه ریس. یۆزلرچه داشاری یورتلی ژورنالیست تۆرکیه ده ایش آلیپ باریار اِمما هر پورصاتدا تۆرکیأ ساپاق برمأگه سینانشانلار ایندی اؤز چئن یۆزلرینی آچ آچان گؤرکِزیأر" دییپ یازدی.