قطر ۲۰۲۲: کرواسی ژاپن توُپارینی زوُردان ینگدی

بۆتین دۆنیأ فوتبال یاریشیندا آدینی 8 توُپارینگ آراسینا یازدیرماق ایسله یأن کرواسی بیلن ژاپن یاریشدی.

سامورایی اۆلکه‌سی نینگ فوتبالچیلاری 43-نجی داقیقادا توُپی کرواتلارینگ آغینا اؤتۆردی و 1-0 اؤنگه گچدی.

دایزن مائدا ژاپن ینگ گلینی اوردی.

ایکینجی یاریمدا کرواسی نینگ میللی فوتبال توُپاری اؤزۆنه گلدی و ایوان پریشیچ کرواتلارینگ گلینی اوردی.

یاریش 120 داقیقادا 1-1 حاسابی بیلن تاماملاندی.

پنالتی اوروشلاریندا کرواسی نینگ دروزه چیسی دومینیک لیواکوویچ اؤزۆندن سؤز اتدیردی.

مینامینو، میتوما و یوشیدانینگ اوران پنالتیلاریندا توُپلاری توتان لیواکوویچ کرواسی نینگ آدینی چأریک فینال یاریشینا یازدیردی.

کروات اوُیونچی ایوان پریشیچ ده کرواسی اۆچین 33-نجی گلینی اوردی و یوردونینگ تانیمال فوتبالچیسی بولان داوور شوکرینگ 45 گل رکوردینا قوُلایلادی.

33 یاشلی پریشیچ 2014-نجی ییلدان بأری بۆتین دۆنیأ فوتبال یاریشلاری نینگ 3 دؤورۆنده و ایکی اوروپا یاریشیندا اؤز واطانی اۆچین گل اوردی.

کرواسی دؤرت ییل موندان اوُزال روسیادا بۆتین دۆنیأ فوتبال یاریشیندا دۆنیأده ایکینجی بوُلوپدی.