قطر ۲۰۲۲: ایران 2- ولز 0

بۆتین دۆنیأ فوتبال قوبوغیندا بیرینجی یاریشیندا 6-2 حاسابی بیلن ینگیلن ایران ولز بیلن بأسلِه‌شدی.

بیرینجی یاریمدا کؤپ سانلی پورصات الینه گچن ایرانلی فوتبالچیلارینگ 15-نجی داقیقاداقی گلی دا آفساید سبأپلی قابول ادیلمه‌دی.

ایران ینگ تۆرکمن فوتبالچیسی سردار آزمون ینگ پاسینی علی قلی زاده ولزینگ آغینا اؤتۆردی.

بو گل، آفساید سبأپلی قابول ادیلمه دی.

سردار آزمون بیلن قلیزاده ینه 51-نجی داقیقادا ایکی گِزه ک ولز توُپاری نینگ دروزه سینی تیتره‌تدی.

86-نجی داقیقادا وین هنسی مهدی طارمینی ییقماغیندان سوُنگرا قیزیل کارت آلدی و اوُیوندان قوویلدی.

اؤزۆنه گلن ایران توُپاری اۆچین 90+8-نجی داقیقادا روزبه چشمی و 90+11-نجی داقیقادا رامین رضائیان گل اوردی.

شیله لیک بیلن ایران 2 بأسله‌شیکدن 3 بال بیلن، بیر یاریشدان 3 بال آلان انگلستان دان سوُنگرا ایکینجی یری ایه له یأر.

شو گیجه آمریکا دا انگلستان بیلن بأسله‌شر.