بۆتین دۆنیأ فوتبال یاریشی قطرده باشلادی
یرلی تانسچیلار و قطرلی- عاراپ صونغاتچیلار آچیلیش داباراسیندا اؤز هۆنأرلرینی گؤرکِزدیلر

فیفانینگ 2022 بۆتین دۆنیأ فوتبال یاریشی قطرینگ پایتاغتی دوحه ده دابارالی یاغدایدا باشلادی.
ایلکینجی گِزه ک عاراپ دۆنیأسینده گچیریلیأن بو یاریشلارینگ آچیلیش داباراسینا البیت استادیومیندا 60 مۆنگ توُماشاچی قاتناشدی.
تانیمال اوُیونچی مورگان فریمن ده آچیلیش داباراسینا قاتناشدی.
یرلی تانسچیلار و قطرلی- عاراپ صونغاتچیلار آچیلیش داباراسیندا اؤز هۆنأرلرینی گؤرکِزدیلر.
گۆن اوُرتا کره نینگ بی تی اس توُپاری جونگ کوک بیلن قطرلی آیدیمچی فرهاد القبیسی بوُلسا بو یاریشلارینگ رسمی آیدیمینی آیتدی.
دابارانینگ سوُنگقی بؤلۆمینده قطرینگ امیری شیخ تمیم بن حمد آل ثانی چیقیش اتدی.
البیت استادیومیندا تۆرکیأنینگ جمهورباشلیغی رجب طیب أردوُغان دا بوُلدی.
أردوُغان قطر بیلن اکوادورینگ آراسینداقی یاریشا دا سین اتدی.
بو تورنمنت 18-نجی دکابردا گچیریلجک فینال یاریشی بیلن تاماملانار.