فوتبال: سردار بایر لورکوزن‌ده اوُینار

ایران ینگ میللی فوتبال توُپاری نینگ تۆرکمن هۆجۆمچیسی سردار آزمون اؤنگۆمیزدأکی مؤوسۆمده آلمانیادا بوندس لیگادا اوُینار.

بو مؤوسۆمده روسیانینگ زنیت توُپاریندا اوُیناماغا دوُوام اتجکدیگی حابار بریلن سردار آزمون اؤنگۆمیزدأکی مؤوسۆمده بایر لورکوزن فوتبال توُپارینا گچر.

2013-نجی ییلدا روسیا لیگینده اوُیناماغا باشلان تۆرکمن فوتبالچی 8 ییل روبین قازان، روستوف و زنیت توُپارلاریندا توُپ چؤودی.

27 یاشینداقی ایران ینگ میللی فوتبالچیسی روس توُپارلاریندا 258 گِزه ک اوُینادی و شو واغتا چنلی 104 گل سالدی.

آزمون بایرلورکوزن بیلن ایلالاشاندان سوُنگرا بو توُپارینگ اؤرأن قوُوی بیر توُپار بوُلاندیغینی آیتدی و یاقین واغتدا بوندس لیگادا اوُیناپ بیلجکدیگینه بگِنیأندیگینی سؤزلرینه قوُشدی.

60 گِزه ک ایران ینگ میللی فوتبال توُپاریندا اوُینایان سردار آزمون شو واغتا چنلی اؤز یوردی اۆچین 39 گُل سالدی.

بوندس لیگا فوتبال لیگی نینگ 20-نجی هِپده سینده بایر لورکوزن فوتبال توُپاری 35 بال بیلن، بایرن مونیخ و بروسیا دورتموند توُپارلاریندان سوُنگرا اۆچۆنجی یری ایه‌له‌یأر.